Túrkistan oblysynda qýaty 1000 mvt-qa jetetin bý-gaz qondyrǵysynyń qurylysy júrip jatyr. Oblys ákimi Darhan Satybaldy «Samuryq-Qazyna» AQ Direktorlar keńesiniń múshesi Qairat Maqsutovpen kezdesip, osy mańyzdyń júzege asyrylý barysyn talqylady, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Óńir basshysy bul jobaǵa ákimdik tarapynan tolyq qoldaý kórsetiletinin jetkizdi.«Samuryq-Qazyna» AQ-men birge basqa da jobalardy talqylaýǵa daiyn ekenin jetkizdi.
– Energetikalyq qaýipsizdik – mańyzdy másele. Oblysymyzda qurylys bastalǵan bý-gaz qondyrǵysyna úlken úmit artylyp otyr. Jobanyń ýaqtyly ári sapaly júzege asýyna múddelimiz jáne tolyq qoldaý kórsetemiz, – dedi Darhan Satybaldy.
«Samuryq-Qazyna» AQ Direktorlar keńesiniń múshesi bý-gaz elektr stantsiiasy qurylysynyń qazirgi jai-kúiin baiandady. Búginde jer jumystary aiaqtalyp keledi. – Qurylys barysyn baqylap, kórip keldim. Jumys qarqyndy júrýde.
Qazir 300 adam bolsa, 2025 jyly qurylysqa 2 myńnan asa jumysshy tartylady dep josparlanyp otyr. Bul joba arqyly ońtústik aimaqtaǵy energiia tapshylyǵy sheshimin taýyp qana qoimai, óńirdi indýstriialandyrýǵa tyń serpin beriledi. Elimizde balamasy joq mańyzdy joba. Birlese jumys atqaryp, bý-gaz qondyrǵysyn josparǵa sai tapsyramyz degen oidamyn, – dedi Qairat Maqsutov.
Aita keteiik, Memleket basshysynyń 01.09.2021 jylǵy Qazaqstan halqyna Joldaýyn iske asyrý jónindegi jalpyulttyq is-sharalar josparyna sáikes Túrkistan oblysynda qýaty 1000 MVt-qa deiin bý-gaz qondyrǵysyn salý kózdelgen. Joba quny boljammen 722,7 mlrd. teńge. Atalǵan jobany iske asyrý sheńberinde Sairam aýdanynan 60 ga jer aýmaǵy belgilendi. 2025 jyly bastapqy 185 MVt elektr qýaty, al 2026 jyldyń sońynda tolyq 1000 MVt elektr qýaty óndiriledi dep kózdelgen. Jańa jobanyń qurylysy 2024 jyly bastalyp, 2026 jyly aiaqtalady dep josparlanǵan. Qurylys jumystary júrgizý barysynda 2 myńnan astam ýaqytsha, joba tolyq iske qosylǵanda 200-den astam adam turaqty jumyspen qamtylady.
