QR Ishki ister ministri Erjan Sadenov jumys saparymen Túrkistan oblysyna keldi. Ol Túrkistan oblysynyń ákimi Darhan Satybaldymen birge óńirlik politsiianyń jańa ǵimarattaryn ashty, dep habarlaidy Dalanews.kz.
Aldymen 100 myńnan astam turǵyny bar Saýran aýdanynda jańa politsiia ǵimaratynyń ashylý rásimi ótti. Úsh qabatty nysannyń jalpy aýdany 4 myń sharshy metrden asady. Ǵimaratta jumys isteýge qolaily jaǵdai jasalǵan. Onda azamattardy qabyldaý jáne tiimdi qyzmet etý úshin qajetti barlyq zamanaýi jabdyqtar qarastyrylǵan.
Ministr tarihi ólkede qyzmet atqaryp, turǵyndardyń tynyshtyǵyn saqtaýǵa úles qosyp júrgen «Ulttyq ulan» áskeri qyzmetshileriniń qyzmetimen tanysty. Táýelsizdik jyldary Túrkistan oblysynda qyzmettik mindetterin atqarý kezinde 60-tan astam politsiia qyzmetkeri qaza tapqan. Olardyń erligi eshqashan umytylmaidy. Osy maqsatta departament janyna eskertkish ornatyldy.
Ministr Erjan Sadenov pen oblys ákimi Darhan Satybaldy eskertkishke gúl shoqtaryn qoiyp, bir minýt únsizdikpen batyrlardy eske aldy. Sonymen qatar qonaqtarǵa jańa arnaiy tehnika kórsetildi. Vedomstvo basshysy jergilikti tártip saqshylaryn jańa jumys oryndarymen quttyqtap, birqatar mańyzdy mindetter júktedi. Sonyń ishinde tsifrlyq tehnologiialardy qoldaný aiasyn keńeitý jáne jumys protsesterin ońtailandyrý bar. Odan bólek qyzmettik tártipti nyǵaitýǵa basa nazar aýdardy.
Politsiia general-leitenanty jańadan ashylǵan qyzmet kórsetý ortalyǵyna bardy. Ortalyqta bir ýaqytta 50 adamǵa qyzmet kórsetý múmkindigi qarastyrylǵan. Munda politsiia jumysyna qatysty halyqtyń máseleleri jedel qaralady.
