Memleket basshysy Qasym-Jomart Kemeluly Toqaev 2025 jyldy «Jumysshy mamandyqtar jyly» dep jariialady. Túrkistan oblysynda jumysshy mamandyqtar jylyn ótkizý jospary bekitilip, aýqymdy jumystar atqarylýda. Búgin oblystyq «Eńbek mobildiligi ortalyǵynyń» uiymdastyrýymen Saýran aýdany, Oranǵai aýylyndaǵy №4 Oranǵai arnaýly áleýmettik qyzmetter kórsetý ortalyǵynda óńirdegi jumyssyz azamattar men jastarǵa arnalǵan bos jumys oryndary jármeńkesi ótti,- dep habarlaidy Dalanews.kz
Sharaǵa oblys ákiminiń orynbasary Beisenbai Tájibaev arnaiy qatysyp, halyqty turaqty jumyspen qamtý baǵytynda atqarylyp jatqan jumystarǵa toqtaldy. Oblysta bos jumys oryndary jármeńkeleri jii uiymdastyrylatynyn aityp, qatysýshylarǵa turaqty jumysqa ornalasýlaryna sáttilik tiledi.
Jármeńkege Túrkistan, Kentaý qalalary men Saýran aýdanynan 30 jumys berýshi qatysyp, 700-den astam bos jumys ornyn usyndy. Nátijesinde, 300-ge jýyq turǵyn jumys berýshilermen tikelei suhbattasyp, mamandyqtaryna sáikes jumysqa ornalasýǵa múmkindik aldy. Arnaiy mamandar Saýran aýdany, Kentaý jáne Túrkistan qalalarynan kelgen turǵyndardy qabyldap, keńes berdi.
Jalpy ónerkásip salasynda 445 jumys orny, aýyl sharýshylyǵy salasynda – 33, qurylys pen turǵyn úi kommýnaldyq sharýashylyǵy salalarynda – 150, bilim – 38, densaýlyq saqtaý – 14, qyzmet kórsetý salasynda 96 jumys orny usynyldy. Olardyń qatarynda farmatsevt, nevropatolog, travmatolog-ortoped, bala dárigeri, psiholog, logoped, mádeni sharalar uiymdastyrýshy, kitaphanashy, baǵban, shashtaraz, sý sorǵy stantsiiasy mashinisi, sanitar, injener, aýdarmashy, esepshi, zańger, mehanik, elektrik, dánekerleýshi, operator, tehnolog, júrgizýshi, pedagog, tárbieshi, tiginshi, aspaz, laborant, kúzetshi, IT mamany jáne ózge de 70-ten astam mamandyq túri bar.
Aita keteiik, jyl basynan beri Óńirlik jumyspen qamtý kartasy aiasynda 74630 azamat turaqty jáne sýbsidiialanatyn jumys oryndaryna joldandy. Onyń ishinde, turaqty jumys ornyna 36415 azamat ornalassa, sýbsidiialanatyn jumys oryndaryna 38215 azamat joldanǵan.
