«Qazaqstan halqy Assambleiasynyń 30 jyldyǵy» jáne «1 mamyr – Qazaqstan halqynyń birligi kúnine» orai Túrkistanda «Birlik jarysy» ótti, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Túrkistan oblysy ortalyǵynda ótken saiysqa Túrkistan oblysy ákiminiń orynbasary Ertai Altaev, qala turǵyndary, etnos ókilderi jalpy 2000-nan astam áýesqoi sportshy qatysyp, baqtaryn synady. Jarys «Densaýlyq» saiabaǵynan bastalyp, «Dostyq» úiine deiin jalǵasyp, jalpy qatysýshylar 6,2 shaqyrym qashyqtyqta júgirdi.
Búgingi jarys oblystyń barlyq óńirlerinde bir mezgilde ótip, jalpy 17 aýdan-qaladan 6 myńnan astam adam qamtyldy. Bul sharanyń maqsaty – Qazaqstanda turyp jatqan túrli etnos ókilderiniń birligin, dostyǵy men tatýlyǵyn nyǵaitý, salaýatty ómir saltyn nasihattaý.
Jarysqa qatysýshylar birneshe sanat boiynsha iriktelip, jas erekshelikterine qarai erler men qyzdar arasynda baq synasty. Atap aitqanda, 18 ben 29, 30 ben 39, 40 pen 49 jas aralyǵy sonymen qatar 50 men odan joǵary jastaǵylar bolyp bólingen.
Saltanatty is-sharanyń sońynda oblys ákimi Nuralhan Kósherov jeńimpazdarǵa arnaiy diplom men medal tabys etti.
