«قازاقستان حالقى اسسامبلەياسىنىڭ 30 جىلدىعى» جەنە «1 مامىر – قازاقستان حالقىنىڭ بٸرلٸگٸ كٷنٸنە» وراي تٷركٸستاندا «بٸرلٸك جارىسى» ٶتتٸ, – دەپ حابارلايدى Dalanews.kz تٷركٸستان وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
تٷركٸستان وبلىسى ورتالىعىندا ٶتكەن سايىسقا تٷركٸستان وبلىسى ەكٸمٸنٸڭ ورىنباسارى ەرتاي التاەۆ, قالا تۇرعىندارى, ەتنوس ٶكٸلدەرٸ جالپى 2000-نان استام ەۋەسقوي سپورتشى قاتىسىپ, باقتارىن سىنادى. جارىس «دەنساۋلىق» ساياباعىنان باستالىپ, «دوستىق» ٷيٸنە دەيٸن جالعاسىپ, جالپى قاتىسۋشىلار 6,2 شاقىرىم قاشىقتىقتا جٷگٸردٸ.
بٷگٸنگٸ جارىس وبلىستىڭ بارلىق ٶڭٸرلەرٸندە بٸر مەزگٸلدە ٶتٸپ, جالپى 17 اۋدان-قالادان 6 مىڭنان استام ادام قامتىلدى. بۇل شارانىڭ ماقساتى – قازاقستاندا تۇرىپ جاتقان تٷرلٸ ەتنوس ٶكٸلدەرٸنٸڭ بٸرلٸگٸن, دوستىعى مەن تاتۋلىعىن نىعايتۋ, سالاۋاتتى ٶمٸر سالتىن ناسيحاتتاۋ.
جارىسقا قاتىسۋشىلار بٸرنەشە سانات بويىنشا ٸرٸكتەلٸپ, جاس ەرەكشەلٸكتەرٸنە قاراي ەرلەر مەن قىزدار اراسىندا باق سىناستى. اتاپ ايتقاندا, 18 بەن 29, 30 بەن 39, 40 پەن 49 جاس ارالىعى سونىمەن قاتار 50 مەن ودان جوعارى جاستاعىلار بولىپ بٶلٸنگەن.
سالتاناتتى ٸس-شارانىڭ سوڭىندا وبلىس ەكٸمٸ نۇرالحان كٶشەروۆ جەڭٸمپازدارعا ارنايى ديپلوم مەن مەدال تابىس ەتتٸ.
