Elbasynyń «Rýhanı jańǵyrý» baǵdarlamasy sheńberinde qolǵa alynǵan kitap oblys ákimdiginiń tikeleı qoldaýymen shyǵarylǵan. Oblystyq bilim basqarmasy basshysynyń orynbasary Ardaq Sadyqovanyń aıtýynsha, bul oqýlyq oqýshylar úshin óte paıdaly. Sebebi, oqýlyqta óńir tarıhy men geografıasy, mádenıeti men ádebıeti tolyq qamtylǵan. Aldaǵy ýaqytta bul kitap oblys mektepterine jetkilikti deńgeıde baspadan shyǵarylady.
Bul oqýlyqty Ómir Shynybekuly, Bıbaısha Beısetaeva, Kúlimhan Seıilbekova, Janar Shırmanova syndy bilikti muǵalimder qurastyrǵan. Aty atalǵan mamandar uzaq jyldar boıy bilim berý salasynda eńbek etip, mol tájirıbe jınaǵan. Sondyqtan bul shyǵarmashylyq ujym atalǵan oqýylyqty joǵary deńgeıde jazyp shyqty.
Oqýlyq «Ólketaný» jáne «Kraevedenıe» degen atpen eki tilde jazylǵan. Qazir kitap memlekettik saraptamadan ótip, baspaǵa jiberýge daıyn tur.
Oblystyq bilim basqarmasyna qarasty ádistemelik ortalyq uıymdastyrǵan jıynda ustazdar men sarapshylar "Ólketaný" oqýlyǵynyń mańyzdylyǵyna toqtalyp, jańa pándi oqytý boıynsha pikir almasty.
Túrkistan oblysy ákiminiń baspasóz qyzmeti
