ەلباسىنىڭ «رۋحاني جاڭعىرۋ» باعدارلاماسى شەڭبەرىندە قولعا الىنعان كىتاپ وبلىس اكىمدىگىنىڭ تىكەلەي قولداۋىمەن شىعارىلعان. وبلىستىق ءبىلىم باسقارماسى باسشىسىنىڭ ورىنباسارى ارداق سادىقوۆانىڭ ايتۋىنشا، بۇل وقۋلىق وقۋشىلار ءۇشىن وتە پايدالى. سەبەبى، وقۋلىقتا ءوڭىر تاريحى مەن گەوگرافياسى، مادەنيەتى مەن ادەبيەتى تولىق قامتىلعان. الداعى ۋاقىتتا بۇل كىتاپ وبلىس مەكتەپتەرىنە جەتكىلىكتى دەڭگەيدە باسپادان شىعارىلادى.
بۇل وقۋلىقتى ءومىر شىنىبەك ۇلى، بيبايشا بەيسەتايەۆا، كۇلىمحان سەيىلبەكوۆا، جانار شيرمانوۆا سىندى بىلىكتى مۇعالىمدەر قۇراستىرعان. اتى اتالعان ماماندار ۇزاق جىلدار بويى ءبىلىم بەرۋ سالاسىندا ەڭبەك ەتىپ، مول تاجىريبە جيناعان. سوندىقتان بۇل شىعارماشىلىق ۇجىم اتالعان وقۋىلىقتى جوعارى دەڭگەيدە جازىپ شىقتى.
وقۋلىق «ولكەتانۋ» جانە «كرايەۆەدەنيە» دەگەن اتپەن ەكى تىلدە جازىلعان. ءقازىر كىتاپ مەملەكەتتىك ساراپتامادان ءوتىپ، باسپاعا جىبەرۋگە دايىن تۇر.
وبلىستىق ءبىلىم باسقارماسىنا قاراستى ادىستەمەلىك ورتالىق ۇيىمداستىرعان جيىندا ۇستازدار مەن ساراپشىلار "ولكەتانۋ" وقۋلىعىنىڭ ماڭىزدىلىعىنا توقتالىپ، جاڭا ءپاندى وقىتۋ بويىنشا پىكىر الماستى.
تۇركىستان وبلىسى اكىمىنىڭ باسپا ءسوز قىزمەتى
