Túrkistan oblysyndaǵy bilim ordalarynda kúrdeli jóndeý jumystarynyń alǵashqy kezeńi bastaldy, – dep habarlaidy Dalanews.kz
Memleket basshysynyń 2024 jylǵy 2 qyrkúiektegi Qazaqstan halqyna Joldaýynda respýblika kóleminde 1 300 mektepti jańǵyrtýdan ótkizý tapsyrmasy berilgen bolatyn. Osy tapsyrma aiasynda óńirde 115 mektep renovatsiia jobasyna engizildi. Bul bastamany Túrkistan oblysy ákimi baqylaýǵa alyp, qaita jańǵyrýdan ótetin mektep tizimi jasaqtaldy.
Oqý protsessi aiaqtalysymen, renovatsiiadan ótetin mektepterde daiyndyq jáne demontaj jumystary bastaldy. Qazirgi tańda Otyrar, Tólebi, Shardara, Saýran, Qazyǵurt, Báidibek, Ordabasy aýdandary, Túrkistan qalasyndaǵy mektepterde synyp bólmelerin bosatyp, zattardy qoimaǵa jetkizý jumystary júrgizilýde. Kúrdeli jóndeý júrgiziletin bilim oshaqtary bilim basqarmasy usynylǵan zamanaýi standarttarǵa sai dizaindy qoldanady.
Renovatsiialyq jumystar kezeń-kezeńimen 2025 jyldan bastap 2027 jylǵa deiin júrgiziledi. Biyl 41 mektep kúrdeli jóndeýden ótse, keler jyly – 38 mektep, 2027 jyly – 36 bilim ordasy qaita jańǵyrýdan ótedi. Bul máseleni Túrkistan oblysy ákiminiń orynbasary Beisen Dáýletuly kún tártibinen túsirgen emes. Bólim basshylaryn men merdigilerge naqty tapsyrmalar júktelgen. Bastysy oqý protsessine kedergi keltirmei, óz merziminde sapaly túrde aiaqtaý kerektigi tapsyrylǵan.
Jańǵyrtý jumystaryna ilikken bilim oshaqtarynyń basym bóligi - aýyldyq jerlerdegi, 30-40 jyldan astam ýaqyt buryn salynǵan mektepter. Bul bastama aýyl men qala mektepteri arasyndaǵy aiyrmashylyqty azaityp, bilim alýǵa teń jaǵdai jasaýǵa baǵyttalǵan. Jóndeý jumystary bilim sapasyn arttyrýǵa, oqýshylar men muǵalimder úshin qolaily orta qalyptastyrýǵa baǵyttalǵan.
