Desek te, buǵan qaramastan aramyzda mas halde kólik tizgindeitinder qatary azaimai tur. Osy oraida Túrkistan oblysy Politsiia departamentiniń qyzmetkerleri jol-kólik apattarynyń aldyn alý men jolda júrý erejelerin óreskel buzýshylardy anyqtaý maqsatynda turaqty túrde reidtik is-sharalardy ótkizip otyrady. Onyń ishinde masań kúide kólik basqarý jaityn boldyrmaýdy qatań baqylaýǵa alǵan. Tártip saqshylary joldaǵy quqyqbuzýshylarǵa san alýan reidtik sharalardy qoldanýda. Ásirese aýdandyq patrýldi politsiia qyzmetkerleri túngi ýaqyttarda reidke shyǵýdy ádetke ainaldyrǵan.
Osyndai atqarylǵan is-sharalardyń nátijesinde jyl basynan beri mas halde kólik basqarǵan 614 júrgizýshi ustalyp, 606 is sotqa joldanǵan.
Zańbuzýshylarǵa QR ÁQBtK-niń 608-baby "Júrgizýshiniń kólik quralyn alkogoldik, esirtkilik jáne (nemese) ýytqumarlyq masań kúide basqarýy, sol siiaqty kólik quralyn alkogoldik, esirtkilik jáne (nemese) ýytqumarlyq masań kúidegi adamnyń basqarýyna berý" boiynsha hattamalar toltyrylǵan.
Onyń ishinde 524 azamat ákimshilik qamaýǵa alynyp, 48-i júrgizýshi kýáliginen aiyrylǵan. Oǵan qosa mas kúiinde kólik basqarǵandar 11 jol-kólik oqiǵasyna sebepshi bolǵan. Atalǵan jol-apattary saldarynan 1 adam qaitys bolyp, 16 jolaýshy túrli dene jaraqattaryn alǵan.
Oblystyq politseilerge jolda júrý erejelerin buzýshylardy anyqtap qana qoimai, olarǵa túsindirý jáne profilaktikalyq jumystardy belsendi júrgizý mindeti de qoiyldy. Sebebi jol-kólik oqiǵalary kóbine rólge mas kúiinde otyrǵan azamattardyń jaýapsyzdyǵynan oryn alady. Sonymen qatar jaiaý júrginshiler men jolaýshylardyń da jolda júrý erejesin buzýy jol-kólik oqiǵasyn týyndatady. Sondyqtan jolda júrgende jol erejesin saqtap, udaiy ustanǵan jón.
Onyń ishinde Kentaý QPB-niń qyzmetkerleri de jol qaýipsizdik erejesiniń saqtalýyn qatań baqylaýǵa alǵan. Qazirgi tańda kúndelikti kúsheitilgen rejimde kúni-túni jumys atqarýda. Basty maqsat túrli jol-kólik apattaryn boldyrmaý, árbir jolaýshynyń úiine aman-esen jetýi, sondai-aq elimizdegi karantinge bailanysty shekteýlerge sai jumystar jasaý.
Osyndai kezekti jumys túniniń birinde patrýldik politsiia tobynyń inspektorlary "VAZ" markaly kóliktiń júrgizýshisi qaýipsizdik beldigin taqpaǵanyn baiqap toqtatady. Tekserý barysynda júrgizýshiniń mas halde ekendigi belgili bolady. Zertteý qorytyndysyna sáikes kólik iesi "orta dárejedegi mas halde" kólik basqarǵany anyqtaldy. Júrgizýshiniń atalǵan is-áreketi QR ÁQBtK-niń 608-babymen tirkelip, is sotqa joldanǵan. Qalalyq sottyń qaýlysymen quqyqbuzýshy kináli dep tanylyp, 15 táýlikke ákimshilik qamaýǵa alynyp, 7 jyl merzimge kólik quralyn basqarý quqyǵynan aiyryldy.
Sondai-aq, qala kóshelerdiń birinde baǵdarshamnyń qyzyl túsine ótip ketip, jol erejesin buzǵan taǵy bir jeńil kólik toqtatyldy. Tekserý barysynda "Volkswagen" markaly kóliktiń júrgizýshi mas halde kólik basqarǵany aiqyndaldy. Hattama toltyrylyp, is sotqa joldanǵan. Atalǵan júrgizýshi de sottyń sheshimimen 15 táýlikke ákimshilik qamaýǵa alynyp, 7 jyl merzimge kólik basqarý quqyǵynan aiyrylǵan.
Óz kezeginde, Túrkistan oblysynyń politseileri azamattarǵa árdaiym abai bolý jáne jol qozǵalysy erejelerin qatań saqtaý qajettigin eskertedi. Tártip saqshylary jyldamdyqty asyrmaýdy, manevr jasaý erejelerin buzbaýdy, qarsy qozǵalys jolaǵyna shyqpaýdy jáne basqa da quqyq buzýshylyqtady jasamaýdy usynady. Eń bastysy ishimdik iship kólik tizgindemeńiz. Bul óz ómirińizben qatar, ózgenińde ómirine qaýipti bolmaq, — dep eskertedi jol saqshylary.
