Biylǵy áskerge shaqyrýdyń ekinshi kezeńi bastaldy. Jyl saiyn áskerge shaqyrylatyn jastar sany artyp keledi. Aitalyq, kóktemgi shaqyrtýda Túrkistan oblysynan 2500-ge jýyq azamat áskerge ketti. 2 myńnan astam jas kúzgi maýsymǵa shaqyrtylady dep josparlanyp otyr, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Búgin 2024 jyldyń kúzinde azamattardy merzimdi áskeri qyzmetke shaqyrýǵa daiarlaýdyń negizgi máseleleri qaralyp, kóktemgi shaqyrý naýqany qorytyndylandy.
Oblystyq shaqyrý komissiiasynyń tóraǵasy Beisenbai Tájibaevtyń tóraǵalyǵymen ótken májiliske Jumyldyrý daiarlyǵy, aýmaqtyq qorǵanys jáne azamattyq qorǵaý basqarmasy, Túrkistan oblysynyń qorǵanys isteri jónindegi departamenti, oblystyq densaýlyq saqtaý basqarmasy, bilim basqarmasy, Túrkistan oblysy politsiia departamenti jergilikti politsiia qyzmetiniń orynbasarlary men TJD, Ulttyq ulan, Shekara qyzmetiniń ókilderi jáne beine-selektorlyq bailanys arqyly aýdan, qala ákimderiniń orynbasarlary qatysty.
Jiynda qarýly kúshter men basqa da áskeri quralymdardyń ókilderi óz bólimderine áskerge shaqyrylýshylardy irikteý tártibi men olardy jasaqtaý jaiynda baiandady. Oblys ákiminiń orynbasary jumysty nashar uiymdastyrǵan aýdan, qalalardaǵy jaýapty tulǵalarǵa tiisti tapsyrmalar júktedi.
- Atalǵan jumystarǵa jaýapty sala mamandary áskeri qyzmetke shaqyrý barysyn qadaǵalaýdy kúsheitý kerek. Azamattardyń shaqyrtý komissiiasynyń otyrystaryna kelýin qamtamasyz etý úshin barlyq sharalar kórilip, bul baǵytta tiisti jumystar atqarylsyn. Sondai-aq Túrkistan oblysy boiynsha 2024 jylǵy kúzgi áskerge shaqyrý naýqanyna azamattardy irikteý boiynsha júieli jumystar júrgizilip, áskeri boryshyn óteýden jaltaryp júrgen jastar máselesine qatysty tiisti sharalar qolǵa alynýy qajet, - dedi Beisenbai Tájibaev.
Óńirde jumyssyz júrgen jastardy múmkindiginshe áskerge baýlý maqsatynda jumystar qolǵa alynǵan. Jastardy áskeri oqýǵa jiberý boiynsha jumystar júrgiziledi dep josparlanýda. Oǵan qosa jastardy otanshyldyqqa, áskeri baǵytta tárbieleý, memlekettik organdardyń azamattardy merzimdi áskeri qyzmetke shaqyrýdy uiymdastyrý jáne ótkizý jumystaryna qatysty máseleler qozǵaldy.
Jiyn barysynda Túrkistan oblysy qorǵanys isteri jónindegi departamentiniń basshysy, polkovnik Nurmahanbet Diýsebaev áskerge shaqyrý boiynsha óz usynystaryn jetkizip, bul jumystardyń úzdiksiz júrgiziletinin aitty.
Tsifrlandyrý baǵdarlamasy aiasynda qazirgi ýaqytta áskeri mindettiler men áskerge shaqyrylýshylardy áskeri esepke qoiý jáne shyǵarý turǵylyqty jeri ózgergen kezde avtomatty rejimde júzege asyrylady.
