Ázimhan Serikulynyń aitýynsha, oblysymyzdaǵy 390 kitaphanada ótken jyly 3 858 kópshilik is-shara uiymdastyrylyp, oǵan 230 382 oqyrman qatysqan. Sondai-aq, óńir kitaphanalary 121 686 dana jańa kitaptarmen tolyqqan. Budan bólek, «Eń kóp oqylatyn 100 kitap», «Altyn qorǵa úles qos», «Kitaphanaǵa syi» aktsiialary uiymdastyrylyp, 18 090 dana kitap kitaphanalardyń qoryna syiǵa berilgen.
– Halyqqa qazirgi zaman talabyna sai kitaphanalyq qyzmet kórsetý maqsatynda «Nur Otan» partiiasynyń jobasyna sáikes Qazyǵurt, Ordabasy, Otyrar, Sairam, Saryaǵash, Sozaq, Tólebi, Túlkibas, Keles, Jetisai aýdandary men Arys, Kentaý, Túrkistan qalalaryndaǵy ortalyqtandyrylǵan kitaphanalar júiesinen kovorking ortalyqtary ashyldy, – dedi Ázimhan Serikuly.
Túrkistan kúlli Túrki áleminiń rýhani astanasy bolyp bekitilýine bailanysty biylǵy jyly «Teatr kóktemi – 2021» túrki halyqtarynyń teatr festivali, «Túrkistanym – Turanym» túrki halyqtary sýretshileriniń simpoziýmy, «Túrkiler tóri – Túrkistan» túrki tildes elderdiń aqyn-jazýshylarynyń kezdesýi jáne kitap kórmesi, «Altyn saqa» túrki áleminiń animatsiialyq filmder, «Sálem saǵan, Túrkistan» óner festivalderin ótkizý josparlanýda.
