ءازىمحان سەرىك ۇلىنىڭ ايتۋىنشا، وبلىسىمىزداعى 390 كىتاپحانادا وتكەن جىلى 3 858 كوپشىلىك ءىس-شارا ۇيىمداستىرىلىپ، وعان 230 382 وقىرمان قاتىسقان. سونداي-اق، ءوڭىر كىتاپحانالارى 121 686 دانا جاڭا كىتاپتارمەن تولىققان. بۇدان بولەك، «ەڭ كوپ وقىلاتىن 100 كىتاپ»، «التىن قورعا ۇلەس قوس»، «كىتاپحاناعا سىي» اكسيالارى ۇيىمداستىرىلىپ، 18 090 دانا كىتاپ كىتاپحانالاردىڭ قورىنا سىيعا بەرىلگەن.
– حالىققا قازىرگى زامان تالابىنا ساي كىتاپحانالىق قىزمەت كورسەتۋ ماقساتىندا «نۇر وتان» پارتياسىنىڭ جوباسىنا سايكەس قازىعۇرت، ورداباسى، وتىرار، سايرام، سارىاعاش، سوزاق، تولەبي، تۇلكىباس، كەلەس، جەتىساي اۋداندارى مەن ارىس، كەنتاۋ، تۇركىستان قالالارىنداعى ورتالىقتاندىرىلعان كىتاپحانالار جۇيەسىنەن كوۆوركينگ ورتالىقتارى اشىلدى، – دەدى ءازىمحان سەرىك ۇلى.
تۇركىستان كۇللى تۇركى الەمىنىڭ رۋحاني استاناسى بولىپ بەكىتىلۋىنە بايلانىستى بيىلعى جىلى «تەاتر كوكتەمى – 2021» تۇركى حالىقتارىنىڭ تەاتر فەستيۆالى، «تۇركىستانىم – تۇرانىم» تۇركى حالىقتارى سۋرەتشىلەرىنىڭ سيمپوزيۋمى، «تۇركىلەر ءتورى – تۇركىستان» تۇركى تىلدەس ەلدەردىڭ اقىن-جازۋشىلارىنىڭ كەزدەسۋى جانە كىتاپ كورمەسى، «التىن ساقا» تۇركى الەمىنىڭ انيماسيالىق فيلمدەر، «سالەم ساعان، تۇركىستان» ونەر فەستيۆالدەرىن وتكىزۋ جوسپارلانۋدا.