Aimaq basshysy dándi-daqyl egýmen ainalysatyn «Aiqoja» óndiristik kooperativiniń jumysymen tanysý barysynda astyqty tókpei-shashpai jinap alý basty mindet bolyp turǵanyn atap ótti.
1998 jyly qurylǵan qojalyqtyń menshiginde 2500 gektar egistik jer bar. 16 adamdy turaqty jumyspen qamtyǵan kooperativte egistikke arnalǵan tehnikanyń barlyq túri bar. Atalǵan ujym ótken jyly 76 mln. teńgeniń ónimin óndirgen. Máselen, ótken jyly 2700 tonna bidai ónimin, 320 tonna maqsary, 450 tonna arpa jinaǵan.
Aita keteiik, taýar óndirýshilerge jeńildetilgen baǵamen beriletin mineraldy tyńaitqyshtyń kólemi ótken jylmen salystyrǵanda 5 myń tonnaǵa artyp, 85 myń tonnany qurady. Kóktemgi dala jumystaryna bólingen 38 myń tonna janar-jaǵar mai tolyǵymen taýar óndirýshilerge bosatyldy. Al astyq orýǵa qajetti 900-ge jýyq tehnika daiyn tur.
Egin oraǵy naýqanymen qatar, oblysta mal azyǵyn daiyndaý jumystary da júrgizilýde. Búgingi kúnge mejelengen 3750 tonnanyń 1590 tonnasy daiyndalǵan.
Túrkistan oblysy ákiminiń baspasóz qyzmeti
