ايماق باسشىسى دەندٸ-داقىل ەگۋمەن اينالىساتىن «ايقوجا» ٶندٸرٸستٸك كووپەراتيۆٸنٸڭ جۇمىسىمەن تانىسۋ بارىسىندا استىقتى تٶكپەي-شاشپاي جيناپ الۋ باستى مٸندەت بولىپ تۇرعانىن اتاپ ٶتتٸ.
1998 جىلى قۇرىلعان قوجالىقتىڭ مەنشٸگٸندە 2500 گەكتار ەگٸستٸك جەر بار. 16 ادامدى تۇراقتى جۇمىسپەن قامتىعان كووپەراتيۆتە ەگٸستٸككە ارنالعان تەحنيكانىڭ بارلىق تٷرٸ بار. اتالعان ۇجىم ٶتكەن جىلى 76 ملن. تەڭگەنٸڭ ٶنٸمٸن ٶندٸرگەن. مەسەلەن, ٶتكەن جىلى 2700 توننا بيداي ٶنٸمٸن, 320 توننا ماقسارى, 450 توننا ارپا جيناعان.
ايتا كەتەيٸك, تاۋار ٶندٸرۋشٸلەرگە جەڭٸلدەتٸلگەن باعامەن بەرٸلەتٸن مينەرالدى تىڭايتقىشتىڭ كٶلەمٸ ٶتكەن جىلمەن سالىستىرعاندا 5 مىڭ تونناعا ارتىپ, 85 مىڭ توننانى قۇرادى. كٶكتەمگٸ دالا جۇمىستارىنا بٶلٸنگەن 38 مىڭ توننا جانار-جاعار ماي تولىعىمەن تاۋار ٶندٸرۋشٸلەرگە بوساتىلدى. ال استىق ورۋعا قاجەتتٸ 900-گە جۋىق تەحنيكا دايىن تۇر.
ەگٸن وراعى ناۋقانىمەن قاتار, وبلىستا مال ازىعىن دايىنداۋ جۇمىستارى دا جٷرگٸزٸلۋدە. بٷگٸنگٸ كٷنگە مەجەلەنگەن 3750 توننانىڭ 1590 تونناسى دايىندالعان.
تٷركٸستان وبلىسى ەكٸمٸنٸڭ باسپاسٶز قىزمەتٸ
