Memleket basshysy Qasym-Jomart Toqaev 2025 jyldy «Jumysshy mamandyqtar jyly» dep jariialaǵan bolatyn. Bul baǵytta Túrkistan oblysynda aýqymdy jumystar atqarylýda. Biyl mamandardy daiarlaýǵa bólinetin 15 myńnan astam granttyń 9 500-i, iaǵni 63,3 paiyzy jumysshy mamandyqtaryna bólinedi, dep habarlaidy Dalanews.kz
Atalǵan salaǵa beriletin granttar 1 000 orynǵa ulǵaitylady.
Qazirgi tańda tehnikalyq jáne kásiptik bilim berý júiesin transformatsiialaý baǵytynda úlken jumystar júrgizilip jatyr. 2025 jylǵy 1 qyrkúiekten bastap jan basyna shaqqandaǵy qarjylandyrý kólemi eki esege ósedi dep kútilýde. Bul kolledjderdiń materialdyq-tehnikalyq bazasyn jaqsartýǵa, pedagogtardyń biliktiligin arttyrýǵa múmkindik beredi.
Qazirgi tańda óńirdegi 50 kolledjde 45 myńnan astam stýdent bilim alýda. Biyl oblystaǵy arnaiy bilim berý mekemelerine 15 myńnan astam grant bólinýde. Sonymen qatar, jańadan 11 jumysshy mamandyǵyna litsenziia alynady.
Aita keteiik, qazirgi tańda oblysta «WOOSONG-TURKISTAN» IT ýniversiteti boi kóterýde. Onda 4 fakýltette 2 340 stýdent «Jasandy intellekt jáne úlken aqparattar taldaýy», «Baǵdarlamalyq qamtamasyz etý», «Álemdik tórtinshi IT ónerkásiptik revoliýtsiia», «Mýltimediia jáne Web dizain» mamandyqtary boiynsha bilim alady.
