Túrkistan oblysy, Sozaq aýdanynda «KATKO» qazaqstandyq-frantsýzdyq birikken kásiporny» JShS-niń «Ońtústik Tórtqudyq» jobasy aiasynda jańa ýran óńdeý zaýyty iske qosyldy,- dep habarlaidy Dalanews.kz
Zaýyttyń ashylý saltanatyna Túrkistan oblysynyń ákimi Nuralhan Kósherov, Frantsiianyń Qazaqstandaǵy elshisi Silvan Gioge, «KATKO» kompaniiasynyń bas direktory Paskal Basten, «Qazatomprom» UAK» AQ Basqarma tóraǵasy Meiirjan Iýsýpov, Atom energetikasy jónindegi memlekettik agenttik tóraǵasynyń orynbasary Ǵumar Serǵazin, «Orano Mining BU» kompaniiasynyń bas direktory Kzave San-Martan Tiie jáne ózge de tulǵalar qatysty.
Oblys ákimi bul jobanyń mańyzyna toqtaldy.
– «Kazatomónerkásip» Ulttyq atom kompaniiasy» AQ tabiǵi ýran óndirý salasynda elimizde ǵana emes dúnie júzinde kóshbasshy kompaniialardyń biri ekeni bárimizge belgili. Túrkistan oblysynda atalǵan kompaniiaǵa qarasty 10 tabiǵi ýran óndiris orny jumys isteidi jáne 1 kompaniia barlaý jumystarymen, 1 kompaniia elektr energiiasyn tasymaldaý qyzmetin atqarady. Sonyń ishinde, búgin biz Sozaq aýdanynda «KATKO» qazaqstandyq-frantsýzdyq birikken kásiporny» JShS-niń tabiǵi ýrandy óńdeý zaýytynyń saltanatty ashylýynda turmyz. Bul joba óndiriste jáne ishki, syrtqy naryqty joǵary sapaly ýranmen qamtamasyz etedi, jańa tehnologiialardy engizý arqyly ýrandy óndirýge baǵyttalady. Investitsiialyq jobanyń qýattylyǵy – jylyna 2000 tonna ýran óńdeý, quiylǵan investitsiia quny 74,7 mlrd. teńgeni qurady. Jańa jumys oryndary ashylǵanyn atap ótken jón. Oblys ákimdigi tarapynan atalǵan óndiris úshin 6 myń gektarǵa jýyq jer telimi bólindi jáne barlyq qajetti infraqurylymdarmen qamtamasyz etildi. Óndiris oryndaryn ashý baǵytyndaǵy jumystar jalǵasady, – dedi Nuralhan Kósherov.
«Ońtústik Tórtqudyq ýchaskesinde óńdeý zaýytynyń iske qosylýy tek «KATKO» úshin ǵana emes, Qazaqstannyń búkil atom ónerkásibi úshin de mańyzdy oqiǵa. Osy zaýyttyń qurylysyna tikelei qatysqan qazaqstandyq mamandardyń kásibiligin erekshe atap ótip, frantsýz áriptesterimizdi jobanyń sátti júzege asýymen quttyqtaǵym keledi. Bul – «Qazatomónerkásip» pen «Orano» arasyndaǵy uzaq merzimdi strategiialyq seriktestiktiń nátijesi boldy», dedi «Qazatomprom» UAK» AQ Basqarma tóraǵasy Meiirjan Iýsýpov.
«Ońtústik Tórtqudyq» óńdeý zaýytynyń ashylýy – «KATKO», «Orano» jáne «Qazatomónerkásip» úshin úlken jetistik. Bul joba – bizdiń qaýipsizdikke, joǵary ekologiialyq standarttarǵa jáne tehnologiialyq innovatsiialarǵa berik ustanymymyzdy kórsetedi. Kúrdeli jobany ýaqtyly, qaýipsiz ári sapaly júzege asyrǵan komandamyz ben seriktesterimizdi maqtan tutamyz», dep málimdedi «KATKO» kompaniiasynyń bas direktory Paskal Basten.
Jiynda jańa óndiris saltanatty túrde iske qosyldy. Ýran salasynda jemisti eńbek etip júrgen azamattar marapattaldy. Oblys ákimi men kompaniia basshylary, qonaqtar óndiris ornyndaǵy jańa nysandy aralap kórdi.
Qýattylyǵy jylyna 2000 tonna ýrandy quraityn jańa zaýyt Ońtústik Tórtqudyq ken ornynyń ońtústik bóliginde óndirilgen, quramynda ýran bar eritindilerdi óńdeidi. Tórtqudyqtyń ońtústik ýchaskesiniń tolyq integratsiiasy arqyly KATKO jylyna 4000 tonna ýran óndirý kórsetkishine qol jetkizýdi kózdep otyr.
Bul joba 2021 jyly egjei-tegjeili jobalyq maquldaýdan ótken. 2023 jyly jańa zaýyttyń qurylysy bastalyp, úsh jyldyq qysqa merzimde júzege asyryldy. Joba aiasynda, sonymen qatar, gidrotehnikalyq jeliler, asfalt jáne qiyrshyq tasty joldar, elektr jelileri, jańa transformatorlyq qosalqy stantsiia salyndy.
«Ońtústik Tórtqudyq» jobasy óńirge aitarlyqtai ekonomikalyq paida ákelip, qyzmetkerlerdiń turmys jaǵdaiyn jaqsartty. Qurylys kezeńinde jergilikti merdigerlerge qosymsha jumys oryndary ashylyp, bir ýaqytta orta eseppen 600 adam jumys istedi.
Aita keteiik, «KATKO» – Túrkistan oblysyndaǵy eń iri jumys berýshilerdiń biri. Kompaniia 1300 adamdy jumyspen qamtamasyz etedi, olardyń 70%-dan astamy Qazaqstannyń ońtústiginde jáne 52%-dan astamy Sozaq aýdanynda turady. Kompaniia qyzmetkerleriniń 99 paiyzy Qazaqstan azamattary.
