Jańa oqý jylynyń qarsańynda Túrkistan oblysynda Memleket basshysy Qasym-Jomart Toqaevtyń bastamasymen júzege asyrylyp jatqan «Keleshek mektepteri» ulttyq jobasy aiasynda 8 jańa mektep pen 2 jalpy orta bilim oshaǵy ashyldy,- dep habarlaidy Dalanews.kz
Atap aitqanda, Tólebi aýdanynyń Dostyq aýylynda 900 oryndyq, Sairam aýdanynyń Aqsý aýylynda 600 oryndyq jańa mektepter paidalanýǵa berildi. Budan bólek, Shardara, Saýran, Keles, Saryaǵash, Ordabasy, Maqtaaral aýdandary men Arys qalasynda da 300-600 oryndyq jańa oqý oshaqtary paidalanýǵa berildi. Bul – óńirdegi bilim infraqurylymyn damytýǵa baǵyttalǵan júieli jumystyń naqty kórinisi. Jobanyń túpki maqsaty – bilim berý infraqurylymyn jańǵyrta otyryp, árbir balaǵa sapaly bilimge qol jetkizý múmkindigin jasaý.
Sairam aýdany, Aqsý aýylyndaǵy jańa mekteptiń ashylý rásimine qatysqan Túrkistan oblysynyń ákimi Nuralhan Kósherov ustazdar men oqýshylardy Bilim kúnimen quttyqtap, bul bastamanyń mańyzdylyǵyna erekshe toqtaldy.
– Memleket basshysynyń bastamasymen qolǵa alynǵan «Keleshek mektepteri» jobasy – jai ǵana jańa ǵimarattar salý emes, sapaly bilim berý júiesin qalyptastyrýǵa baǵyttalǵan keshendi reforma. Biylǵy bizdiń óńirde osy jobamen 8 jańa mektep paidalanýǵa berildi. Bul – bolashaqqa salynǵan kópir. Muǵalimder men oqýshylardyń zamanaýi, qolaily ortada eńbek etip, bilim alýy – elimizdiń intellektýaldy áleýetin arttyratyn basty qural. Sondyqtan bul baǵyttaǵy jumystardy júieli túrde jalǵastyramyz, – dedi Nuralhan Kósherov.
Jańa mektep zaman talabyna sai tolyq jabdyqtalǵan. Keń kólemdi májilis zaly, zamanaýi sheberhanalar, kitaphana, ashana, sport zaly, horeografiia zaly, meditsinalyq kabinetter jáne beinebaqylaý júieleri qarastyrylǵan. Bul mektepterde tek bilim berýdiń sapasy ǵana emes, sonymen qatar oqýshynyń shyǵarmashylyq áleýetin ashýǵa, tsifrlyq saýattylyǵyn arttyrýǵa, qaýipsiz jáne yńǵaily orta qalyptastyrýǵa basa mán beriledi.
«Keleshek mektepteri» jobasy aiasynda Túrkistan oblysynda jalpy sany 23 myń balaǵa arnalǵan 29 mekteptiń qurylysy júrgizilýde. Eki aýysymmen 46 myń bala bilim alady.
Onyń 13-i ótken oqý jylynda paidalanýǵa berilse, biylǵy jańa oqý jylynda taǵy 16 mektep oqýshylarǵa esik ashpaq.
Sondai-aq Memleket basshysynyń «Mektepterdi jańǵyrtý» (renovatsiia) tapsyrmasyna orai, úsh jylda 115 mektep jańartýdan ótetin bolady. Biyl oblysta 100 mektep jóndeýden ótti.
Jańa formattaǵy bul oqý oryndary bilim berýdiń jańa mazmunyn iske asyrýda, pedagogtardyń kásibi ósýine múmkindik týǵyzyp, keleshek urpaqqa sapaly bilim men sanaly tárbie berýge negiz bolmaq.
