Túrkistan oblysynyń ákimi Darhan Satybaldy bastaǵan delegatsiia Tatarstan Respýblikasyna jasaǵan jumys sapary aiasynda Innopolis qalasyna bardy. Innopolis qalasynyń meri Dmitrii Vandiýkovpen jáne Ýniversitet direktorynyń orynbasary Iskander Barievpen kezdesip, zamanaýi bilim ordasymen tanysty, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Ǵylym men IT tehnologiialardy damytýdy, jasandy intellekt pen robototehnika salasyndaǵy jáne innovatsiialyq aýmaqtardy qurýda tájiribesimen bólisý yntymaqtastyǵyn qarastyrý týraly talqylady.
Innopolis ýniversiteti aqparattyq tehnologiialar jáne robototehnika salasyndaǵy bilim berý men zertteýlerge mamandanǵan joǵary bilim berý uiymy. Zamanaýi JOO-da barlyq akademiialyq baǵdarlamalar aǵylshyn tilinde júrgiziledi, al mamandyqtar aqparattyq tehnologiialarmen tyǵyz bailanysty. Ýniversitet Reseidegi 300-dei jetekshi IT-kompaniialarmen birikken 17 zerthanasy men 9 damý ortalyǵy bar ǵylymi ortalyq. Oqytý aǵylshyn tilinde júrgiziledi.
Memleket basshysynyń elimizdi jahandyq tsifrlyq tehnologiia ortalyǵy retindegi ornyn nyǵaitý týraly tapsyrmasyn júzege asyrý baǵytynda Túrkistan oblysy IT sektoryn damytý úshin belsendi jumys istep jatyr. Tatarstan Respýblikasyna jumys sapary aqparattyq tehnologiialar salasyndaǵy múmkindikterdi keńeitý jolyndaǵy mańyzdy qadam. Bul baǵytta oblysymyzda belsendi jumystar júrgizilip jatyr.
Sondai-aq sapar barysynda óńir delegatsiiasy «Innopolis» arnaiy ekonomikalyq aimaǵymen tanysty. Bul ozyq innovatsiialyq sheshimder ázirlenetin jáne kommertsiialanatyn aimaq. AEA negizgi nysany tehnopark keńseleri men damý ortalyqtary bar zamanaýi, kóp fýnktsionaldy keshen bolyp tabylady. Munda IT kompaniialardy damýyna barlyq qolaily jaǵdailar jasalǵan, jańa perspektivaly jobalar da, iri reseilik jáne halyqaralyq IT-kompaniialar da shoǵyrlanǵan. AEA alańdarynyń jalpy aýmaǵy - 311 ga.
Innovatsiialar men tehnologiialyq baǵytynba yntalandyrýda – IT-startaptardy qurý jáne qoldaý da mańyzdy ról atqarady. Osyǵan orai, tájiribe almasý maqsatynda delegatsiia Bashir Rameev atyndaǵy IT-parkke arnaiy bardy. Park bazasynda kovorking, tsifrlyq kitaphana, balalar tehnoparki, startap hab, kiberpark arenasy jáne t.b. bar.
Innopolis – Qazan qalasy aglomeratsiiasy aýmaǵynda turǵyzylǵan zamanaýi qala. Onda Innopolis ýniversiteti men «Innopolis» erekshe ekonomikalyq aýmaǵy bar. Máskeý janyndaǵy Skolkovo jáne Novosibirdegi Koltsovo aýmaqtarymen qatar, Reseidegi IT tehnologiialardy damytý maqsatynda turǵyzylǵan ǵylymi-óndiristik aýmaqtardyń biri.
Túrkistan oblysynan barǵan delegatsiia Tatarstannyń óndiris oryndaryn aralaidy. Investorlarmen naqty kelisimder jasaidy dep kútilýde. Ásirese, IT salasy men aýyl sharýashylyǵyndaǵy ozyq tehnologiialar men jobalarǵa basymdyq beriledi.
