Túrkistan oblysynda Elbasy Joldaýy negizinde jalaqy kóterildi
Elbasynyń Joldaýyna qoldaý kórsetken myna tómendegi mekemeler alǵashqylardyń qataryna enip otyr.
Olar – Saryaǵash aýdanyndaǵy «Gúljan» JShS balabaqshasyndaǵy 31 qyzmetkerdiń jáne «Balsheker» JShS balabaqshasyndaǵy 19 qyzmetkerdiń, jalpy 49 qyzmetkerdiń ailyq jalaqysyn 2018 jylǵy 1 qarashadan bastap 35%-ke kóterse, al 2019 jyldyń 1 qańtarynan bastap 15%-ke kóbeitetin boldy.
«Mankent shipajaiy» AQ-y 2019 jyldyń 1 qańtarynan bastap 8-10%-ke kóbeitetin boldy. Jalpy jumysker sany 224 adam, búgingi kúnge eń tómengi ailyq 94500 teńge bolsa, ol jańa jylda 102000 teńgeni quramaq jáne ortasha ailyq 116900 teńgeni quraityn bolady. «VIZiT» alkogolsiz sýsyn shyǵarý zaýyty 179 jumysker-diń jalaqysyn 10% -ǵa kóterip, zaýyttaǵy eń tómengi jalaqy 44000 teńgeni, al ortasha jalaqy 50000 teńgeni qurady. "Altyn dán" JShS-i óz qyzmetkerleriniń jalaqysyn 25% -ǵa kóterip, eń tómengi jalaqy kólemin 70000 teńgege jetkizdi. "Himfarm" AQ- y jalaqyny 8%-ǵa kóterip, ortasha jalaqy kólemin 190000 teńgege jetkizdi. Atalǵan baǵyttaǵy jumystar jalǵasýda.
Dalanews.kz
