İshki ister mınıstrligi Túrkistan oblysynda ekstremıstik uıymnyń toby joıylǵanyn málim etti, dep habarlaıdy Dalanews.kz.

İshki ister mınıstrligi taratqan aqparatqa qaraǵanda ekstremızmge qarsy is-qımyl jónindegi bólinisi Ulttyq qaýipsizdik komıtetiniń kómegimen Kentaý qalasynda “Hızb-ýt-Tahrır” dinı-ekstremıstik uıymynyń jasyrylǵan tobyn joıǵan.

"Bul uıymnyń ıdeologıasy elde zaıyrly konstıtýsıalyq qurylymdy qulatyp, “sharıǵat” normalaryn engizýge baǵyttalǵan. Jedel-izdestirý is-sharalary barysynda top músheleriniń terorızm ıdeıalaryn nasıhattaý, sondaı-aq dinı kózqarasty qorlaý faktileri anyqtaldy. Top músheleri “Hızb-ýt-Tahrır” sheteldik radıkaldy ýaǵyzshylarynyń dáristerin alý jáne taratý úshin ınternet-resýrstardy paıdalanǵan” delingen habarlamada.

İİM málimetinshe, top jetekshisi buǵan deıin tyıym salynǵan dinı-ekstremıstik uıymnyń qyzmetine qatysqany úshin sotty bolǵan. Júrgizilgen sharalar nátıjesinde 10 kúdikti ustalǵan.

“Olardyń turǵylyqty jerlerin tintý kezinde dinı-ekstremıstik ádebıetter men basqa da zattaı dáleldemeler tárkilendi. Qazirgi ýaqytta terorızmdi nasıhattaý jáne dinı alaýyzdyqty qozdyrý belgileri boıynsha sotqa deıingi tergeý júrgizilip jaty” dep habarlady mınıstrliktiń resmı aqparattyq resýrsy.