Túrkistan oblysynda eldi mekenderdi gazben qamtý jumysy óte qarqyndy. Eki jylda 6 avtomattandyrylǵan gaz taratý stantsiiasy el igiligine tapsyrylyp, gaz jelileri uzardy. Solardyń biri Maqtaaral aýdany, Igilik eldi mekeninde ornalasqan. Atalǵan mańyzdy nysanǵa Túrkistan oblysynyń ákimi Darhan Satybaldy arnaiy baryp, AGTS-tyń jai-kúiimen tanysty. Turǵyndardy quttyqtady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
– Óńirde eldi mekenderdi gazben qamtý jumysy jalǵasady. Gaz taratý stantsiialary salynyp, aimaqtyń infraqurylymy jaqsara tústi. Bunyń bári memlekettik qoldaýdyń nátijesi, – degen oblys ákimi turǵyndarmen júzdesip, pikir almasty. Jaýapty basqarma basshysy men aýdan ákimine gazdandyrý baǵytyndaǵy jumysty júieli túrde atqarýdy tapsyrdy.
«Maqtaaral» avtomattandyrylǵan gaz taratý stantsiiasy arqyly aýdandy gazben qamtý kórsetkishi jaqsara túsken. Jalpy búginde aýdan halqynyń 75,6%-y gazben qamtylǵan. Turǵyndardy 100% qamtý úshin qosymsha avtomattandyrylǵan gaz tartý stantsiiasy salynyp, 19 eldi mekende ishki gaz júieleriniń qurylysy júrgizilýde. Ol úshin 2024 jylǵa 4,7 mlrd. teńge qarjy bólindi. Taǵy 4 eldi mekenniń ishki gaz júieleriniń qurylysyna JSQ ázirlenip, saraptama qorytyndysy alynyp, qarjy bólýge usynylǵan.
Aita keteiik, eldi mekenderdi gazben qamtý jumystary boiynsha Túrkistan oblysy respýblikada úzdikter qatarynda keledi. Eki jylda 187 myń turǵyn, 90 myńnan astam turǵyn tabiǵi gazǵa qosyldy.
