Túrkistan oblysynda daýys berý ýchaskelerinde sporttyq oiyndardan jarystar ótip jatyr. Máselen, Ǵ.Muratbaev atyndaǵy Jetisai gýmanitarlyq-tehnikalyq kolledjinde ornalasqan №197 daýys berý ýchaskesinde naýqanǵa qatysýshylar arasynda ústel tennisi, doiby, qol kúresi, toǵyzqumalaq ulttyq oiyndardar jarys uiymdastyryldy.
Respýblikalyq referendýmǵa óz tańdaýyn jasaýǵa kelgen daýys berýshiler oiynǵa belsene qatysyp, viktorinalyq suraqtarǵa jaýap berdi.
Jeńimpazdar anyqtalyp, syilyqtar tabystaldy. Sondai-aq, Otyrar aýdanynda arqan tartýdan saiys uiymdastyrylyp, belsendilik tanytqan azamattar arnaiy syilyqtarmen marapattaldy.
Aita keteiik daýys berý - azamattardyń turǵylyqty jeri boiynsha daýys berý ýchaskelerinde ótedi. Ýchaskeler 07:00-den 20:00-ge deiin ashyq bolady.
Azamattar óz basyn kýálandyratyn qujat arqyly daýys bere alady. Aita keteiik, búgin oblys boiynsha qoǵamdyq kólikter tegin qatynaidy.
