تۇركىستان وبلىسىندا داۋىس بەرۋ ۋچاسكەلەرىندە سپورتتىق ويىنداردان جارىستار ءوتىپ جاتىر. ماسەلەن، ع.مۇراتبايەۆ اتىنداعى جەتىساي گۋمانيتارلىق-تەحنيكالىق كوللەدجىندە ورنالاسقان №197 داۋىس بەرۋ ۋچاسكەسىندە ناۋقانعا قاتىسۋشىلار اراسىندا ۇستەل تەننيسى، دويبى، قول كۇرەسى، توعىزقۇمالاق ۇلتتىق ويىنداردار جارىس ۇيىمداستىرىلدى.
رەسپۋبليكالىق رەفەرەندۋمعا ءوز تاڭداۋىن جاساۋعا كەلگەن داۋىس بەرۋشىلەر ويىنعا بەلسەنە قاتىسىپ، ۆيكتورينالىق سۇراقتارعا جاۋاپ بەردى.
جەڭىمپازدار انىقتالىپ، سىيلىقتار تابىستالدى. سونداي-اق، وتىرار اۋدانىندا ارقان تارتۋدان سايىس ۇيىمداستىرىلىپ، بەلسەندىلىك تانىتقان ازاماتتار ارنايى سىيلىقتارمەن ماراپاتتالدى.
ايتا كەتەيىك داۋىس بەرۋ - ازاماتتاردىڭ تۇرعىلىقتى جەرى بويىنشا داۋىس بەرۋ ۋچاسكەلەرىندە وتەدى. ۋچاسكەلەر 07:00-دەن 20:00-گە دەيىن اشىق بولادى.
ازاماتتار ءوز باسىن كۋالاندىراتىن قۇجات ارقىلى داۋىس بەرە الادى. ايتا كەتەيىك، بۇگىن وبلىس بويىنشا قوعامدىق كولىكتەر تەگىن قاتىنايدى.
