Túrkistan oblysynda biznes jobalarǵa qaitarymsyz grant berile bastady
Óńirde jańa biznes jobalardy qoldaýǵa baǵyttalǵan qaitarymsyz grant berý boiynsha komissiia otyrystary uiymdastyryldy. Biyl grant berý jumystary 2 lek boiynsha júzege asady. Atap aitqanda, birinshi lek ótinimderi mamyr aiynda qabyldansa, ekinshi lek shildeniń 15-26 kúnderi qabyldanady dep kútilýde, dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Osyǵan orai, birinshi lek qatysýshylaryna maýsym aiynyń 5-7 kúnderi 400 AEK-ke deiingi qaitarymsyz grant berýge arnalǵan komissiia otyrystary ótti.
2024 jyly Túrkistan oblysynda Qazaqstan Respýblikasynyń eńbek naryǵyn damytýdyń 2024-2029 jyldarǵa arnalǵan tujyrymdamasyna sáikes, jańa biznes-ideialardy iske asyrý úshin 1793 grant berý josparlanǵan.
Ashyq formatta ótken komissiia otyrysy aýdan, qala kóleminde Mansap ortalyqtarynyń áleýmettik jelilerindegi resmi paraqshalarynda tikelei efir arqyly kórsetildi.
Jańa biznes-ideialardy qoldaýǵa arnalǵan jobaǵa oblys kóleminde 1-lek boiynsha 2 471 azamat ótinim bildirgen. Biznes-jobalaryn qorǵaýǵa 2 097 azamat qatysty. Nátijesinde biylǵy josparǵa sáikes 897 azamattyń biznes-jobasy maquldandy. Al qalǵan 374 azamat belgisiz sebeptermen komissiia otyrysyna qatysa almaǵan.
Áleýmettik osal top azamattarynyń biznes-jobasyn júzege asyrý maqsatynda beriletin qaitarymsyz grant alýǵa ótinimder qabyldaý elektrondy túrde júrgiziledi. Bul qoldaýǵa eńbekke jaramdy múgedektigi bar adamdar, qandastar, ataýly áleýmettik kómek alýshy otbasylar, múgedektigi bar balany tárbielep otyrǵan otbasylar, asyraýshysynan aiyrylý boiynsha járdemaqy alatyn otbasylar tarapynan ótinimder túsken.
Aita keteiik, grant alýǵa ótinim bildirýshiler jumyssyz retinde tirkelgen iaki tirkeý merzimi 3 jylǵa deiingi jeke kásipker bolýy kerek. Oǵan qosa úmitkerdiń «Bastaý Biznes» jobasy negizinde kásipkerlikke oqyǵany týraly arnaiy sertifikaty bolýy shart.
Komissiia otyrysynda biznes-jobalardyń ómirsheńdigine, básekege qabilettiligine jáne úmitkerdiń kásibiligine ókilder tarapynan basa nazar aýdaryldy. Nátijesinde komissiianyń sheshimimen oń qorytyndy alǵan biznes-jobalardyń 271-i óndiris salasyna qatysty, 227-i aýyl sharýashylyǵy salasy, 298-i qyzmet kórsetý, 91-i tamaq óndirisi, 10-y qurylys zattaryn óndirýge baǵyttalǵan.
