Túrkistanda halyqty jumyspen qamtý jáne jumys oryndaryn qurý, az qamtylǵan otbasylar sanyn azaıtyp, kásipke baýlý máseleleri talqylanǵan májilis ótti. Jıynǵa jumyspen qamtý basqarmasynyń basshylyǵy men qyzmetkerleri qatysty, dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.
Baıandamalar men esepter tyńdaldy. Halyqty jumyspen qamtý salasyndaǵy ózekti máseleler men kedeılik kórsetkishin tómendetý sharalary keńinen talqylanǵan jınalysta oblys ákiminiń orynbasary Beısenbaı Tájibaev bul baǵyttaǵy jumystardy áli de shırata túsý kerektigin eskertti.
– Bıyl bekitilgen ındıkatordyń tolyq oryndalýyn qamtamasyz etý qajet. Aýdan, qala ákimdigindegi jaýaptylarǵa «Óńirlik jumyspen qamtý kartasynda» kórsetilgen mejelerge qol jetkizýdi tapsyramyn. Múmkindigi shekteýli jandardy jumyspen qamtýdaǵy jáne memlekettik baǵdarlamalardy oryndaý barysynda anyqtalǵan kemshilikter joıylsyn. Kedeılikti tómendetý sharalary júıeli túrde júrgizilsin. Ataýly áleýmettik kómek alýshylardyń ishindegi eńbekke jaramdy azamattardyń tabysyn arttyrý maqsatynda jumyspen qamtý sharalarynyń belsendi túrlerine tartyp, turaqty jumysqa shynaıy ornalasýyn qadaǵalańyzdar. Atalǵan kómekti taǵaıyndaýdyń zańdylyǵyna zerdeleý jumystaryn júrgizý kerek. Jumysty shıratyńyzdar. Baıandamada aıtylǵan máselelerdi sheshý boıynsha tıisti jumys júrgizilsin. Keıbir aýdandarda jumyspen qamtý deńgeıi tómen. Aýdandarda jumyspen qamtý baǵytynda nasıhat-túsindirý jumystary júrgizilip, málimetter usynylsyn, – dedi B. Tájibaev.
Májiliste oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń mindetin atqarýshy T.Qudaıbergenov, oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary K. Mırova, oblystyq jumyspen qamtýdy úılestirý jáne áleýmettik baǵdarlamalar basqarmasy basshysynyń orynbasary N.Nurashov ózderine bekitilgen salalar boıynsha baıandama jasady.
Jıyn barysynda oblys ákiminiń orynbasary Beısenbaı Tájibaevtyń tarapynan halyqty jumyspen qamtý, jastardy shaǵyn nesıeleý jumystaryn uıymdastyrý, az qamtamasyz etilgen azamattarǵa áleýmettik jaǵynan qoldaý kórsetý, múgedektigi bar adamdardyń arnaýly áleýmettik qyzmettermen qamtylýyn retteý jáne de saladaǵy ózge de máselelerdi sheshý jóninde tapsyrmalar berildi.
Sondaı-aq baıandamada aıtylǵan kórsetkishteri tómen aýdandarǵa eskertý berilip, jumysty jandandyrý jóninde tapsyrmalar berildi. Aıta keteıik, Túrkistan oblysynda bıyl 118,9 myń jumys ornyn ashý boıynsha oblys basshysynyń bastamasymen «Óńirlik jumyspen qamtý kartasy» bekitildi. Onyń ishinde 108 myń adamdy turaqty jáne ýaqtysha jumys oryndaryna, 3,7 myń adamdy ulttyq jobalar men baǵdarlamalarda ashylatyn jumys oryndaryna joldaý jáne 7,2 myń adamǵa grant pen shaǵyn nesıe berý kózdelgen. Bıylǵy I jartyjyldyq josparyna sáıkes 69,6 myń adamdy jumyspen qamtý josparlanyp, naqty 60,4 myń adam jumyspen qamtý sharalaryna joldandy. Tıisinshe, I jartyjyldyq jospar 86,8% oryndaldy.
Odan bólek, az qamtylǵan azamattardyń tabystaryn arttyrý arqyly kedeılikti tómendetý boıynsha jumystar da jalǵasýda. Bıyl 116,2 myń adamdy ataýly áleýmettik kómekpen qamtamasyz etýge búdjetten 12,2 mlrd. teńge bólindi. Sondaı-aq kedeılik deńgeıin tómendetý jóninde aýdan, qala ákimderimen memorandýmdar túzilip, AÁK kórsetýdiń 2024 jylǵa jospary bekitildi. 1 shildedegi jaǵdaıy boıynsha 13,569 myń otbasyǵa nemese 81,2 myń adamǵa 3,8 mlrd. teńgege AÁK taǵaıyndalyp, az qamtylǵan azamattardyń úlesi oblys halyq sanynyń 3,8%-yn qurap otyr.Túrkistan oblysynda 99,2 myńnan astam múgedektigi bar azamattar esepte tur. Bıyl oblysta múgedektigi bar azamattarǵa áleýmettik qoldaý kórsetý úshin barlyq deńgeıdegi búdjetter esebinen 12,3 mlrd. teńge bólingen.
