Túrkistan oblysynyń tsifrlandyrý, memlekettik qyzmetter kórsetý jáne arhivter basqarmasynyń basshysy Marat Ainabekov Saryaǵash, Keles aýdandaryna is-saparmen bardy. Aldymen Saryaǵash aýdanyna qarasty Tyń eldi mekeninde ornatylǵan «Bilain» uialy bailanys operatorynyń ornatqan bazalyq stantsiiasynyń jumysymen tanysty, – dep habarlaidy Dalanews.kz.
Qazirgi tańda Túrkistan oblysynda internetpen qamtý deńgeii 92,2%-dy quraidy, iaǵni 1 942 542 turǵyn internet jelisine qol jetkizgen. Oblystaǵy 829 aýyldyq eldi mekenniń 690-y 3G jáne 4G mobildi internet jelilerimen qamtylǵan. Alaida, 139 eldi mekenniń 100-i 2G mobildi bailanys jelisin ǵana paidalanady, al 39 eldi mekende bailanys múldem joq.
Búginde stantsiiadaǵy internet jelisiniń jyldamdyǵy 106 mbit/s quraidy. Sonymen qatar, aýdandaǵy Sirgeli eldi mekeninde «Ksell» uialy bailanys operatorynyń ornatqan bazalyq stantsiiasymen tanysty. Onda internet jelisiniń jyldamdyǵy 30 mbit/s. Budan bólek, Alǵabas eldi mekeninde ornatylǵan «Ksell», «Bilain» bailanys operatorlarynyń ornatqan bazalyq stantsiialarynyń jumysy tanystyryldy. Onda internet jelisiniń jyldamdyǵy 100 mbit/s quraidy.
Sonymen qatar, basqarma basshysy Keles aýdanyna qarasty Abai aýylynda ornatylǵan qoǵamdyq qaýipsizdikti qamtamasyz etetin beinebaqylaý kameralaryn ornatý barysymen tanysty.
Odan bólek, aýdandaǵy «Ksell» jáne «Bilain» uialy bailanys operatorlarynyń tarapynan ornatylǵan bazalyq stantsiialarǵa baryp, internet jelisiniń jyldamdyǵynyń artqanyna kóz jetkizdi. Aita keteiik, óńirdegi aýdan-qalalarda jalpy beinebaqylaý júiesin arttyrý jumystaryn júrgizý negizinde biyl 200 dana beinebaqylaý kamerasyn ornatý josparlaýda.
2023 jyly oblysta 152 aýyldyq eldi mekendi sapaly internetpen qamtamasyz etý josparlanyp, onyń ishinde 51 aýylda jańa bazalyq stantsiialar iske qosyldy. Sonymen qatar, 2024 jyldyń sáýir aiynda shalǵai ornalasqan 330 mekteptiń 203-ine «Starlink» spýtniktik internet jelisi ornatyldy, bul internet jyldamdyǵyn aitarlyqtai arttyrdy.
Oblys ákimdigi eldi mekenderdi joǵary jyldamdyqty internetpen qamtý jumystaryn jalǵastyrýda. Mysaly, 2024 jyldyń qazan aiynda oblystaǵy 415 eldi meken joǵary jyldamdyqty talshyqty-optikalyq bailanys jelisimen qamtamasyz etildi.
Degenmen, keibir aýyldyq aimaqtarda internet sapasy áli de tómen deńgeide qalyp otyr. Bul máseleni sheshý úshin oblys basshylyǵy bailanys operatorlarymen birlesip, infraqurylymdy damytý jumystaryn júrgizýde.
Jalpy alǵanda, Túrkistan oblysynda internetpen qamtý deńgeii joǵary bolǵanymen, keibir aýyldyq eldi mekenderde sapaly internetke qoljetimdilik máselesi ózekti bolyp otyr. Bul baǵytta jergilikti bilik pen bailanys operatorlary birlesip, qajetti sharalardy qabyldaýda.
