Túrkistan oblysynda Memleket basshysy Qasym-Jomart Toqaevtyń aýyl sharýashylyǵy salasynda jalpy óniminiń kólemin 2 esege ulǵaitý, sý únemdeý tehnologiialaryn engizý boiynsha bergen tapsyrmalary aiasynda atqarylyp jatqan aýqymdy jumystar oń nátije berýde. Jalpy ónim kólemin ulǵaitý boiynsha osy jyldyń 8 aiynyń qorytyndysymen naqty kólem indeksi 100,1 paiyzdy qurady. 9 aida jalpy ónim kólemin 104,3%-ǵa ulǵaitý josparlanýda. Biyl óńirde aýyl sharýashylyǵy alqaptaryna sý únemdeý tehnologiialaryn 27 myń gektarǵa engizý josparlanǵan edi. Búginde naqty 59 myń gektarǵa endirilip, jalpy kólemi 114 myń gektarǵa jetti. 2028 jylǵa deiin jyl saiyn 27 myń gektar endirý josparlansa, oblysta múmkindigine qarai sý únemdeý tehnologiialaryn jyl saiyn 50 myń gektarǵa endirý kózdelýde. Bul týraly Túrkistan oblysynyń ákimi Nuralhan Kósherovtiń tóraǵalyǵymen ótken apparat májilisinde aityldy, dep habarlaidy Dalanews.kz
Oblys basshysy Prezident tapsyrmasynyń oryndalý barysy qatań baqylaýda ekenin aityp, salaǵa jaýapty basqarma basshysy men aýdan, qala ákimderine tapsyrma júktedi.
– Aýyl sharýashylyǵy – óńir ekonomikasynyń basty draiveri. Ónimdilikti arttyrý úshin sý únemdeý tehnologiialaryn, zamanaýi agroinnovatsiialardy engizý mańyzdy. Bul ádister egistik jerlerdiń tiimdiligin arttyryp, ónim sapasyn jaqsartýǵa jáne shyǵyndy azaitýǵa múmkindik beredi. Aýyl sharýashylyǵy salasynda 2025 jylǵa bektilgen barlyq indikatorlyq kórsetkishterdiń tolyq oryndalýyn qamtamasyz etýdi tapsyramyn. Jumys barysyn qatań baqylaýǵa alý qajet, – degen Nuralhan Oralbaiuly jospardy oryndamaǵan basshylardyń jaýapkershiligi qaralatynan eskertti.
Apparat otyrysynda agroónerkásiptik kesheniniń indikatorlyq kórsetkishteriniń oryndalýy týraly Oblystyq aýyl sharýashylyǵy basqarmasy basshysy Faizýlla Baidýllaev baiandady. Onyń aitýynsha, jyl sońyna deiin 1649 aýyl sharýashylyǵy tehnikasyn satyp alý josparlanyp, búginde 1 379 dana aýyl sharýashylyǵy tehnikasy satyp alyndy. Nátijesinde, jańalaý úlesi 7,9%-dy qurap, jalpy aýyl sharýashylyǵy tehnikasynyń sany 17 487 birlikke jetti.
Memleket tarapynan invest jobalardy júzege asyrýǵa qoldaý kórsetilip keledi. Oblys kóleminde jemis-kókónis saqtaý úshin 3 qoima salynyp, paidalanýǵa berildi. Atap aitqanda, Túlkibas aýdanynda «Kentaý» JShS-niń syiymdylyǵy 2 200 tonna, Sairam aýdanynda «Shagur agro group» JShS-niń syiymdylyǵy 2000 tonna, Shardarada «Batyrhan ata» ShQ-nyń syiymdylyǵy 2200 tonna jemis-kókónis saqtaý qoimalary iske qosyldy. Kelesi jyly Saryǵash aýdanynda 10 myń tonnalyq, Qazyǵurt aýdanynda 3 myń tonnalyq jemis-kókónis saqtaý qoimalary iske qosylady.
Odan bólek, biyl «BNK Agro KZ» JShS-niń «Taýarly sút fermasyn 800 basqa keńeitý» jobasy iske qosyldy. Al kelesi jyly Tólebi aýdanynda «Aziia milk» ShFQ-nyń 600 basqa arnalǵan taýarly sút fermasy, Túlkibasta «Mailykent Ferm» JShS-niń 600 basqa arnalǵan taýarly sút fermasy paidalanýǵa berilmek. Sonymen qatar «Saryaǵash qus» JShS iske qosyldy. Túlkibas aýdanynda qus etin óndiretin «Qarqyn treid» JShS-nyń jobasy iske asyrylýda. Jobany iske asyrýǵa AÓK jobalaryn nesielendirý baǵdarlamasymen 5 mlrd. teńge bólinbek.
Aýyl sharýashylyǵynyń negizgi kapitalyna investitsiia tartý boiynsha Túrkistan oblysy elimizde aldynǵy qatarda. Búginde agroónerkásiptik keshenine 121 mlrd. teńge investitsiia tartyldy. Investitsiia kólemin 9 aidyń qorytyndysymen 152,8 mlrd. teńgege jetkizý josparlanýda.
Májiliste agroónerkásiptik keshen boiynsha indikatorlyq kórsetkishterdiń oryndalýy týraly QR Strategiialyq josparlaý jáne reformalaý agenttigine qarasty Ulttyq statistika biýrosynyń Túrkistan oblysy boiynsha departamentiniń basshysy Gúlnár Kúntýǵanova esep berdi. Onyń málimdeýinshe, respýblikadaǵy aýyl sharýashylyǵy ónimderiniń jalpy shyǵarylymdaǵy úlesi boiynsha Túrkistan oblysy 1 orynda nemese úlesi – 13,7%. Túrkistan oblysy boiynsha aýyl, orman jáne balyq sharýashylyǵy ónimderiniń jalpy shyǵarylymy 487,7 mlrd. teńgeni qurap, ótken jyldyń tiisti kezeńimen salystyrǵanda 0,1%-ǵa artqan.
Et óndirý kórsetkishi 122,9 myń tonnany qurady. Mal etin óndirýdiń edáýir úlesi Sairam jáne Qazyǵurt aýdandarynyń sharýashylyqtaryna tiesili. Al siyr sútiniń ónidirisi ótken jyldyń tiisti kezeńimen salystyrǵanda 15,7% artsa, taýyq jumyrtqasynyń óndirisi 5,7%-ǵa ósken. Oblystyń aýyl sharýashylyǵyn damýyna baǵyttalǵan investitsiia kólemi 97620,6 mln. teńgege jetip, ósim 140,3%-dy qurady. Tamaq ónimderin óndirýdegi negizgi kapitalǵa salynǵan investitsiialar kólemi ótken jyldyń tiisti kezeńimen salystyrǵanda 53,6% artyp, 23343,4 mln. teńgeni quraǵan.
