Biyl Túrkistan oblysynda aýyl sharýashylyǵy daqyldaryna arnalǵan egistik kólemi 26 myń gektarǵa ulǵaitylyp, 896 myń gektardy qurap otyr,- dep habarlaidy Dalanews.kz
Egistikti ártaraptandyrý maqsatynda maqta 29 myń gektarǵa ulǵaitylyp,135,3 myń gektarǵa, dándi daqyldar 5 myń gektarǵa artyp, 338 myń gektarǵa, maily daqyldar 2 myń gektarǵa ulǵaitylyp, 72,7 myń gektarǵa artyǵymen egilmek. Al, kókónis jáne baqsha daqyldary 7 myń gektarǵa, mal azyqtyq daqyldary 3 myń gektarǵa qysqartylady.
Búgingi kúnge josparlanǵan 519 myń gektar jazdyq egistiktiń 14 myń gektary egildi.
Dala jumystaryna 17,5 myń tehnika jumyldyrylǵan. Aýyl sharýashylyǵy qurylymdarynda 15,7 myń traktor, 1,7 myń dánsepkish tehnika, 2,9 myń soqa, 2,2 myń qopsytqysh bar.
Sonymen qatar Jetisai aýdanynda «Maqtaly jer» bazasynda arnaiy mashina-traktor stantsiiasy qurylyp, «Ońtústik «AIO» JShS jáne «Yrys» MQU» JShS arqyly qarjylandyryldy. Joba quny – 447 mln teńge. Qarjylandyrý nátijesinde 12 traktor, 7 dánsepkish jáne 5 qopsytqysh, jalpy 24 birlik tehnika satyp alyndy. Dala jumystaryna aýyl sharýashylyǵy tehnikalarynyń daiyndyǵy 98 paiyzdy quraidy.
Úkimettiń qoldaýymen kóktemgi dala jumystaryna 55,3 myń tonna jeńildetilgen janar-jaǵarmai bólindi. Aqpan aiyna bólingen 2 myń tonna janarmai agroqurylymdarǵa bosatylýda. Bosatý baǵasy naryqtyq baǵadan 15% tómen. Odan bólek, taýar óndirýshiler jazdyq daqyldardyń tuqymymen tolyq qamtamasyz etilgen. Mineraldyq tyńaitqyshtarmen qamtamasyz etý maqsatynda otandyq tyńaitqysh zaýyttarynyń 60% sýbsidiiasy tólendi. Baǵdarlamaǵa ótinim qabyldaý júrip jatyr.
Sonymen qatar oblys aýmaǵyndaǵy qoimada 25 myń tonna mineraldy tyńaitqysh saqtaýly. Dala jumystaryn júrgizýge «Agrarlyq nesie korporatsiiasy» arqyly 8,8 mlrd. teńgege 1141 joba qarjylandyryldy.
