Túrkistan oblysynda «Aýyl amanaty» pılottyq jobasyn júzege asyrýǵa 16 aýdannan 64 aýyldyq okrýg anyqtalyp, 75 kooperatıv quryldy, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Jobany qarjylandyrýǵa respýblıkalyq búdjetten 19,8 mlrd. teńge qarjy bólindi.

«Túrkistan» áleýmettik kásipkerlik korparasıasy» AQ-na «Aýyl amanaty» jobasy boıynsha oblys kóleminde 17,9 mlrd teńge quraıtyn 3409 jobaǵa ótinish tústi.

Onyń ishinde ýákiletti organmen 3 018 joba qaralyp, jalpy sommasy 14,2 mlrd teńgeni quraıtyn 2437 joba maquldandy. 10,3 mlrd teńge quraıtyn 1 797 joba qarjylandyryldy.

Jobany iske asyrý nátıjesinde 3 220 joba qarjylandyrylyp, 3400-ge jýyq jańa jumys orny ashylady dep kútilýde. Sonymen birge AÁK  alatyndar sany azaıyp, turǵyndardyń kúnkóris deńgeıi 1,5 esege ulǵaıady dep josparlanǵan.