Túrkistan oblysy Sozaq aýdanynda altyn quramdy ýchaskelerin óz betinshe igerýmen ainalysqan tulǵalar toby anyqtaldy, dep habarlaidy Dalanews.kz.
Tekserý barysynda 12 tulǵa ruqsat qujattarynsyz, ekologiialyq zańnamany jáne óndiristik qaýipsizdik talaptaryn buza otyryp, shamamen 451 gramm altyndy zańsyz óndirgeni anyqtaldy.
Atalǵan faktiler boiynsha Qazaqstan Respýblikasy Qylmystyq kodeksiniń 295-1-baby 1 jáne 3-bólikterinde kózdelgen quqyq buzýshylyq belgilerimen sotqa deiingi tergep-tekserý bastaldy.
Kúdikti tulǵalarǵa qatysty qajetti tergeý áreketteri júrgizilip, 5 kúdiktige qatysty úiqamaq túrindegi bultartpaý sharasy qoldanyldy.
Prokýratýra zańsyz paidaly qazbalardy óndirý ekologiiaǵa eleýli qaýip tóndiretinin, memlekettiń ekonomikalyq qaýipsizdigine nuqsan keltiretinin jáne qylmystyq jaýaptylyqqa ákeletinin eskertedi.
