Túrkistan oblysy, Maqtaaral aýdany Jańajol aýyldyq okrýgine qarasty Firdoýsi eldi mekeninde halyqtyń áleýmettik osal toptaryn qoldaý maqsatynda aýqymdy áleýmettik joba iske asyrylýda, dep habarlaidy Dalanews.kz.
Atalǵan joba aiasynda 1 qabatty, árqaisysy eki páterli 48 turǵyn úidiń qurylys-montaj jumystary josparlanǵan. Qurylys jumystaryn merdiger mekeme – «Building Group – 1» JShS júrgizýde.
"Jeke kásipkerdiń esebinen salynyp jatqan turǵyn úilerdiń qurylysy aiaqtalǵan soń, memleket tarapynan qarastyrylǵan 1,5 milliard teńge kólemindegi qarjyǵa barlyq úiler satyp alynady", - delingen ákimdik habarlamasynda.
Búgin Maqtaaral aýdanynyń ákimi Baqyt Asanov qurylys alańynda bolyp, atqarylyp jatqan jumystardyń barysymen arnaiy tanysty. Aýdan basshysy nysannyń sapasyna, qurylys qarqynyna jáne jumysshylardyń eńbek jaǵdaiyna erekshe nazar aýdardy. Sonymen qatar, merdiger kompaniia ókilderimen pikirlesip, týyndaǵan máselelerdi der kezinde sheshý, jumys kestesinen keshikpeý qajettigin qadap aitty.
Aita keteiik, bul úiler birinshi kezekte kópbalaly otbasylarǵa, múgedektigi bar azamattarǵa, tolyq emes otbasylarǵa jáne turǵyn úige muqtaj ózge de sanattaǵy azamattarǵa jalǵa beriletin bolady.
