Túrkistan oblysynda áleýmettik mańyzy bar azyq-túlik baǵalary baqylaýda
Qazirgi tańda óńirde erte pisken qyryqqabat ónimi Túrkistan qalasyndaǵy «Altyn bulaq» bazary, 13 áleýmettik dúken jáne 5 iri sýpermarketterde 1 kg – 60 teńgeden satylymǵa shyǵaryldy (shekti baǵa – 65 teńge/kg). Bul bekitilgen shekti baǵadan tómen.
Sonymen qatar, biyl turaqtandyrý qoryn tolyqtyrý maqsatynda qosymsha 2000 tonnadan astam azyq-túlik taýarlaryn (qaraqumyq jarmasy – 220 tn; qyryqqabat – 535 tn; 1 surypty bidai uny – 153 tn; qant – 502 tn; kúrish – 243 tn; makaron ónimderin – 61 tn; kúnbaǵys maiy – 357 tn) satyp alý jumystary júrgizilýde.
2020 jyly «Ainalym shemasymen» 0,01% -ben 5 kásipkerlik sýbektilerine 115 mln. teńge nesie berilip, nátijesinde 870 tonnadan astam áleýmettik mańyzy bar taýarlardyń satylýyn qamtamasyz etse, biylǵy jyly kásipkerlik sýbektilerimen qatar, et, sút, taýyq eti, jumyrtqa jáne kókónis óndirýshilerge 400 mln. teńgege deiin nesie qarjy berý kózdelgen.
