Túrkistan oblysy ákiminiń orynbasary Nurbol Turashbekov birqatar aýdan-qala ákimderiniń qatysýymen májilis ótkizip, aǵyn sýdy tiimdi paidalaný máselesin talqylady, dep habarlaidy Dalanews.kz
Mamandardyń málimdeýinshe jaýyn-shashynnyń az túsýinen biyl arnalarda sý kólemi edáýir kemigen. Máselen, 2024 jyly Arys ózeni arqyly keletin sý sekýndyna 55/m3 qurasa, biyl bul kórsetkish 13/m3-tan aspai tur. Bógen sý qoimasyna jinalǵan sý mólsheri byltyr 339 mln/3-ǵa jetse, qazirgi tańda naqty bar sý – 230 mln/3.
Arys, Kentaý qalalary men Túlkibas, Sairam, Saýran, Ordabasy, Otyrar aýdandaryna aǵyn sý bosatý rettiligi men sharýalarǵa sý bosatý kezektiligin júieleý tapsyryldy. Sonymen qatar múmkindikterdi saralai otyryp, sý uńǵymalaryn iske qosý máselesi kóterildi.
– Aǵyn sýdyń bei-bereket bosatylýyna jol bermeńizder. Baqsha túrleriniń óný kezeńderin eskerińizder, kezektiń saqtalýyn qadaǵalańyzdar. Bul kezeńdi diqandarmen keńesip, kelisip, ortaq mámile jasai otyryp ótkerýimiz kerek. Sharýalar óz eńbegimen qatar ózgelerdiń eńbegine de qurmetpen qarap, túsinistik tanytady dep senemin, – dedi Nurbol Turashbekov óz sózinde.
Ásirese sý muraptaryna úlken jaýapkershilik júkteletini aityldy. Diqandarmen birge eginshilik naýqanyn shyǵynsyz ótkerýge bar múmkindikti qarastyryp, yntymaqpen is qylý qajettigi eskertildi.
