تٷركٸستان وبلىسى ەكٸمٸنٸڭ ورىنباسارى نۇربول تۇراشبەكوۆ بٸرقاتار اۋدان-قالا ەكٸمدەرٸنٸڭ قاتىسۋىمەن مەجٸلٸس ٶتكٸزٸپ, اعىن سۋدى تيٸمدٸ پايدالانۋ مەسەلەسٸن تالقىلادى, دەپ حابارلايدى Dalanews.kz
مامانداردىڭ مەلٸمدەۋٸنشە جاۋىن-شاشىننىڭ از تٷسۋٸنەن بيىل ارنالاردا سۋ كٶلەمٸ ەدەۋٸر كەمٸگەن. مەسەلەن, 2024 جىلى ارىس ٶزەنٸ ارقىلى كەلەتٸن سۋ سەكۋندىنا 55/م3 قۇراسا, بيىل بۇل كٶرسەتكٸش 13/م3-تان اسپاي تۇر. بٶگەن سۋ قويماسىنا جينالعان سۋ مٶلشەرٸ بىلتىر 339 ملن/3-عا جەتسە, قازٸرگٸ تاڭدا ناقتى بار سۋ – 230 ملن/3.
ارىس, كەنتاۋ قالالارى مەن تٷلكٸباس, سايرام, ساۋران, ورداباسى, وتىرار اۋداندارىنا اعىن سۋ بوساتۋ رەتتٸلٸگٸ مەن شارۋالارعا سۋ بوساتۋ كەزەكتٸلٸگٸن جٷيەلەۋ تاپسىرىلدى. سونىمەن قاتار مٷمكٸندٸكتەردٸ سارالاي وتىرىپ, سۋ ۇڭعىمالارىن ٸسكە قوسۋ مەسەلەسٸ كٶتەرٸلدٸ.
– اعىن سۋدىڭ بەي-بەرەكەت بوساتىلۋىنا جول بەرمەڭٸزدەر. باقشا تٷرلەرٸنٸڭ ٶنۋ كەزەڭدەرٸن ەسكەرٸڭٸزدەر, كەزەكتٸڭ ساقتالۋىن قاداعالاڭىزدار. بۇل كەزەڭدٸ ديقاندارمەن كەڭەسٸپ, كەلٸسٸپ, ورتاق مەمٸلە جاساي وتىرىپ ٶتكەرۋٸمٸز كەرەك. شارۋالار ٶز ەڭبەگٸمەن قاتار ٶزگەلەردٸڭ ەڭبەگٸنە دە قۇرمەتپەن قاراپ, تٷسٸنٸستٸك تانىتادى دەپ سەنەمٸن, – دەدٸ نۇربول تۇراشبەكوۆ ٶز سٶزٸندە.
ەسٸرەسە سۋ مۇراپتارىنا ٷلكەن جاۋاپكەرشٸلٸك جٷكتەلەتٸنٸ ايتىلدى. ديقاندارمەن بٸرگە ەگٸنشٸلٸك ناۋقانىن شىعىنسىز ٶتكەرۋگە بار مٷمكٸندٸكتٸ قاراستىرىپ, ىنتىماقپەن ٸس قىلۋ قاجەتتٸگٸ ەسكەرتٸلدٸ.
