Túrkistan oblysynda 83 oqýshy jańa formatta synaq tapsyrdy
26 sáýir kúni olimpiadanyń birinshi týry, 27 sáýir kúni ekinshi týry ótti. Olimpiada alǵash ret jańa formatta «bir qatysýshy – bir kompiýter – bir kamera» qaǵidasyna súiene otyryp, proktoring júiesin jáne qatysýshylardy otyrǵyzý kezinde pánder men synyptardy «aralastyrý» ádisin qoldaný arqyly ótkizildi.
Barynsha ashyqtyqty qamtamasyz etý úshin olimpiadanyń ótý barysy onlain rejimde kórsetilip, «Daryn» RǴPO akkaýntynda jáne áleýmettik jelilerinde beinetransliatsiiaǵa silteme usynyldy. Sonymen qatar , olimpiadanyń ótý barysyn «Saryaǵash Adaldyq Alańy» jobalyq keńsesiniń múshesi baqylady.
Olimpiada barysynda akademiialyq adaldyqty qamtamasyz etý úshin barlyq óńirlerge «Daryn» RǴPO-nyń jaýapty mamandary jiberildi.
Qatysýshylardyń árqaisysy tapsyrmany «Daryn» RǴPO-nyń internet resýrsynan jeke kod arqyly alyp, ár kezeń aiaqtalǵan saiyn oqýshylardyń jumystary skanerlenip, ortalyqqa jiberilip otyrdy.
Árbir kezeńniń sonyńda qatysýshylar jumystarynyń skanerlengen kóshirmeleri «Daryn» RǴPO-nyń internet resýrsynda olardyń jeke derekterinsiz jariialanyp otyrdy. Tapsyrmalar boiynsha durys jaýaptar jáne olimpiadanyń nátijeleri kórsetilgen hattamalar da «Daryn» RǴPO-nyń saitynda jariialanatyn bolady.
