26 ءساۋىر كۇنى وليمپيادانىڭ ءبىرىنشى تۋرى، 27 ءساۋىر كۇنى ەكىنشى تۋرى ءوتتى. وليمپيادا العاش رەت جاڭا فورماتتا «ءبىر قاتىسۋشى – ءبىر كومپيۋتەر – ءبىر كامەرا» قاعيداسىنا سۇيەنە وتىرىپ، پروكتورينگ جۇيەسىن جانە قاتىسۋشىلاردى وتىرعىزۋ كەزىندە پاندەر مەن سىنىپتاردى «ارالاستىرۋ» ءادىسىن قولدانۋ ارقىلى وتكىزىلدى.
بارىنشا اشىقتىقتى قامتاماسىز ەتۋ ءۇشىن وليمپيادانىڭ ءوتۋ بارىسى ونلاين رەجيمدە كورسەتىلىپ، «دارىن» رعپو اككاۋنتىندا جانە الەۋمەتتىك جەلىلەرىندە بەينەترانسلياسياعا سىلتەمە ۇسىنىلدى. سونىمەن قاتار ، وليمپيادانىڭ ءوتۋ بارىسىن «سارىاعاش ادالدىق الاڭى» جوبالىق كەڭسەسىنىڭ مۇشەسى باقىلادى.
وليمپيادا بارىسىندا اكادەميالىق ادالدىقتى قامتاماسىز ەتۋ ءۇشىن بارلىق وڭىرلەرگە «دارىن» رعپو-نىڭ جاۋاپتى ماماندارى جىبەرىلدى.
قاتىسۋشىلاردىڭ ءارقايسىسى تاپسىرمانى «دارىن» رعپو-نىڭ ينتەرنەت رەسۋرسىنان جەكە كود ارقىلى الىپ، ءار كەزەڭ اياقتالعان سايىن وقۋشىلاردىڭ جۇمىستارى سكانەرلەنىپ، ورتالىققا جىبەرىلىپ وتىردى.
ءاربىر كەزەڭنىڭ سونىڭدا قاتىسۋشىلار جۇمىستارىنىڭ سكانەرلەنگەن كوشىرمەلەرى «دارىن» رعپو-نىڭ ينتەرنەت رەسۋرسىندا ولاردىڭ جەكە دەرەكتەرىنسىز جاريالانىپ وتىردى. تاپسىرمالار بويىنشا دۇرىس جاۋاپتار جانە وليمپيادانىڭ ناتيجەلەرى كورسەتىلگەن حاتتامالار دا «دارىن» رعپو-نىڭ سايتىندا جاريالاناتىن بولادى.
