2025 jyly jumyssyz jastar men NEET sanatyndaǵy jastardyń úlesin azaitý maqsatynda 12 memlekettik baǵdarlama aiasynda 50 831 jasty osy joba aiasynda jumyspen qamtý josparlanǵan. Bul týraly Túrkistan oblystyq qoǵamdyq damý basqarmasyna qarasty «Jastar resýrstyq ortalyǵy» KMM basshysynyń orynbasary Perdebek Serjanuly málimdedi,- dep habarlaidy Dalanews.kz
«Oblys boiynsha jastarǵa arnalǵan memlekettik baǵdarlamalarmen 128 636 jasqa keńes berildi. Óńirde biylǵy jyldyń I toqsan qorytyndysy boiynsha 15-34 jasqa deiingi jastar arasyndaǵy jumyssyzdyq deńgeii 1,9% qurady. Al, NEET sanatyndaǵy jastar kórsetkishi 5,8%-ǵa tómendedi. Biyl «Serpin-2050», «Máńgilik el jastary - indýstriiaǵa» syndy memlekettik baǵdarlamalardy nasihattaý maqsatynda elimizdegi 8 joǵary oqý ornynyń ókilderi arnaiy kelip, aýdandarda mektep túlekterimen kezdesý ótkizdi. Nátijesinde baǵdarlama aiasynda Túrkistan oblysynan 802 túlek grantqa tústi. Budan bólek, oblys boiynsha 132 eriktiler uiymdarynda 18 myńnan astam jastar belsendi múshe retinde tirkelgen. Eriktiler jumysyn damytý baǵytynda oblys kóleminde 6 baǵyttan turatyn aýqymdy aktsiialar ótkizildi. Nátijesinde 408 senbilik ótkizilip, 197 500-ge jýyq jas atsalysty», - dedi spiker.
