Túrkistan oblysynda aldaǵy jyldary 7 iri joba iske asyrylmaq. Bul jaiynda Túrkistan oblystyq densaýlyq saqtaý basqarmasynyń basshynyń orynbasary Baýyrjan Satybaldy brifingte málimdedi,- dep habarlaidy Dalanews.kz
Olardyń qatarynda oblys ortalyǵynda salynyp jatqan 570 oryndyq kópbeiindi aýrýhananyń qurylysy da bar. Nysan biyl jyl sońyna deiin aiaqtalyp, paidalanýǵa berilmek.
Sondai-aq, Saryaǵash qalasynda 300 oryndyq perinataldyq ortalyǵy bar kópbeiindi aýrýhana, Ordabasy aýdanynda 200 tósek oryndyq zamanaýi meditsinalyq ortalyq, Túrkistan qalasynda 200 oryndyq oblystyq balalar aýrýhanasy salynbaq.
«2021 jyly Túrkistan qalasynda Muhammed Ben Zaid Al Nahaian atyndaǵy 80 oryndyq perzenthana qurylysy úshin Túrkistan oblysynyń ákimdigi 3,3 gektar jer telimin bólgen bolatyn. BAÁ, Abý-Dabi qory demeýshilikti moinyna alsa, konkýrs nátijesinde «Eristail-Kazahstan» JShS merdiger mekeme atandy. Aldaǵy ýaqytta qurylys jumystary bastalady. Sonymen qatar, Maqtaaral aýdanynda 210 oryndyq aýdandyq aýrýhana men Saýran aýdanynda aýysymyna 500 kelýshige arnalǵan emhana qurylystary júrgizilýde», - dedi Baýyrjan Satybaldy.
Sondai-aq, búgingi tańda oblys kóleminde mindetti áleýmettik meditsinalyq saqtandyrý júiesimen oblysymyzda azamattardyń 83%-y qamtylǵan. Halyqty MÁMS júiesine tartý jóninde Túrkistan oblysy boiynsha áleýmettik meditsinalyq saqtandyrý qorymen jáne memlekettik organdarmen óńirlik shtab qurylyp, qala-aýdan ákimdikterine tapsyrma berilip jumystar júrgizilýde.
Óńir turǵyndaryn dári-dármekpen qamtý boiynsha da birqatar jumystar atqarylǵan. 2024 jyldyń qorytyndysymen 15,9 mlrd teńgege dárilik zattar men meditsinalyq buiymdardyń 549 túrin satyp alýǵa ótinim berilip, búgingi kúnge deiin «D» esepte turatyn 213 665 naýqas jalpy somasy 16 882 419 myń teńgege qamtamasyz etilgen. Sonyń ishinde, 18 jasqa deiingi 64 257 naýqasqa 3 523 275 myń teńge qarjy qarastyrylǵan. Sonymen qatar, oblystaǵy meditsinalyq mekemelerdiń tehnikamen jaraqtandyrylýy 85,22% qurap otyr.
