Túrkistan oblysynda 600-den astam mektepke beinebaqylaý kamerasy ornatylady
– Túrkistan oblysynyń bilim salasynda sapany qamtamasyz etý departamenti aimaqtaǵy 901 mektepke jáne aýdandyq, qalalyq bilim bólimderine monitoring júrgizdi. Keshendi monitoringtiń qorytyndysy bilim uialarynda jekelegen problemalyq máselelerdiń bar ekenin kórsetti. Máselen, oblystaǵy 900 mekteptiń 800-ge jýyq mektebinde meditsinalyq kabinet bar. Alaida, onyń 100-den asa mekteptegi meditsinalyq kabinetke litsenziia qosymshasy alynbaǵan. Sondai-aq, 88 bastaýysh jáne shaǵyn jinaqty bastaýysh mektepterde meditsinalyq kabinet joq, – dedi Q.Qaiypbekuly.
Sonymen qatar, departament mamandary birqatar mektepterde himiia, biologiia, fizika kabinetterimen jaraqtandyrylmaǵanyn anyqtaǵan.
Odan bólek, 200-ge jýyq mekteptegi bastaýysh, negizgi jáne jalpy orta bilim berý uiymdarynyń sport zal men sport alańdary jabdyqtarmen jáne jihazben jaraqtandyrý normalaryna sáikes emes dep tapqan.
Qudaibergen Qaiypbekuly jańa oqý jylynda oryn alatyn jańalyqtarymen de bólisti. Biyldan bastap 1-synyp oqýshylary «Álippe» oqýlyǵymen saýat ashsa, oqýshylarǵa mektepke birdei forma kiip barý mindettelmeidi. Mektep kiimi yńǵaily iskerli, klassikalyq stilde bolsa bolǵany.
