– Óńirdegi meditsinalyq uiymdarda 5,5 myńnan astam dáriger jáne 19 myńnan astam orta býyndy qyzmetker halyqqa qyzmet kórsetedi. Meditsinalyq jabdyqtarmen qamtý deńgeii 84 paiyzdan asyp, jospar tolyǵymen oryndaldy. Nátijesinde, negizgi aýrý-jitim kórsetkishi tómendedi.
Biyl 14 densaýlyq saqtaý nysanynyń qurylysy aiaqtalady. Memleket basshysynyń tapsyrmasyna sáikes Saryaǵash qalasynda perinataldyq ortalyǵy bar zamanaýi meditsinalyq keshen qurylysynyń jobasy ázirlenýde. Kelesi jyly qurylysy bastalady. «Aýylda densaýlyq saqtaýdy jańǵyrtý» ulttyq jobasy aiasynda aýyldarda 49 jańa nysan salý josparlanyp otyr, – dedi Darhan Satybaldy.
[caption id="attachment_95738" align="aligncenter" width="800"]
Ótken jyly óńirde 31 nysannyń qurylysy júrgizilip, 16-sy paidalanýǵa berildi. Onyń ishinde emhana – 1, jedel járdem stantsiiasy – 1, FAP – 3, medpýnkt – 11. Biylǵa qosymsha 14 nysan tapsyrylýda. Onyń 4-i –dárigerlik ambýlatoriia, 10-y – FAP.
Oblys boiynsha quny 185 mlrd. teńge quraityn 6 meditsinalyq nysannyń qurylysy josparlanýda. Túrkistan qalasynda 570 oryndyq kópbeiindi aýrýhana, oblystyq balalar aýrýhanasy, «Ana men bala» ortalyǵyn, sondai-aq, Ordabasy aýdanynda perinataldyq ortalyq salynbaq.
[caption id="attachment_95739" align="aligncenter" width="800"]
Atalǵan 570 tósek oryndyq kópsalaly aýrýhanasy boiynsha qurylys jumystary 2020 jyly bastalyp, túrkiialyq investor «YDA Holding» esebinen soǵylýda. 2023 jyldyń sáýir aiynda jobalaý-smetalyq qujattamaǵa oń qorytyndy alyndy. Qazirgi ýaqytta QR Densaýlyq saqtaý ministrligine kópsalaly aýrýhanasyn salý boiynsha biznes-jospar usynyldy. Búginde qurylys jumystarynyń 40% aiaqtaldy. 2024 jyldyń sońynda qoldanysqa beriledi dep josparlanýda.
Túrkistan oblysy boiynsha 749 meditsinalyq mekeme elge meditsinalyq qyzmet kórsetýde. Qazirgi tańda beiindi mamandarǵa tapshylyq baiqalýda. Osy máseleni sheshý úshin biyl oblys esebinen beiindi mamandardy oqytýǵa, rezidentýraǵa 60 grantqa qarjy bólindi. Sonymen qatar aýylǵa kelgen jas mamandarǵa áleýmettik kómek retinde 1,5 mln. tg. tólenýde. Búgingi tańda aýyldy jerge barǵan 21 jas mamanǵa áleýmettik kómek berilgen.
