تۇركىستان وڭىرىندە مەديسينالىق ينفراقۇرىلىمدى جاقسارتۋعا باسا نازار اۋدارىلۋدا. بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا تۇركىستان وبلىسىنىڭ اكىمى دارحان ساتىبالدى مالىمدەدى.

– وڭىردەگى مەديسينالىق ۇيىمداردا 5،5 مىڭنان استام دارىگەر جانە 19 مىڭنان استام ورتا بۋىندى قىزمەتكەر حالىققا قىزمەت كورسەتەدى. مەديسينالىق جابدىقتارمەن قامتۋ دەڭگەيى 84 پايىزدان اسىپ، جوسپار تولىعىمەن ورىندالدى. ناتيجەسىندە، نەگىزگى ءاۋرۋ-جىتىم كورسەتكىشى تومەندەدى.

بيىل 14 دەنساۋلىق ساقتاۋ نىسانىنىڭ قۇرىلىسى اياقتالادى. مەملەكەت باسشىسىنىڭ تاپسىرماسىنا سايكەس سارىاعاش قالاسىندا پەريناتالدىق ورتالىعى بار زاماناۋي مەديسينالىق كەشەن قۇرىلىسىنىڭ جوباسى ازىرلەنۋدە. كەلەسى جىلى قۇرىلىسى باستالادى. «اۋىلدا دەنساۋلىق ساقتاۋدى جاڭعىرتۋ» ۇلتتىق جوباسى اياسىندا اۋىلداردا 49 جاڭا نىسان سالۋ جوسپارلانىپ وتىر، – دەدى دارحان ساتىبالدى.

[caption id="attachment_95738" align="aligncenter" width="800"] default[/caption]

وتكەن جىلى وڭىردە 31 نىساننىڭ قۇرىلىسى جۇرگىزىلىپ، 16-سى پايدالانۋعا بەرىلدى. ونىڭ ىشىندە ەمحانا – 1، جەدەل جاردەم ستانسياسى – 1، فاپ – 3، مەدپۋنكت – 11. بيىلعا قوسىمشا 14 نىسان تاپسىرىلۋدا. ونىڭ 4ء-ى –دارىگەرلىك امبۋلاتوريا، 10-ى – فاپ.

وبلىس بويىنشا قۇنى 185 ملرد. تەڭگە قۇرايتىن 6 مەديسينالىق نىساننىڭ قۇرىلىسى جوسپارلانۋدا. تۇركىستان قالاسىندا 570 ورىندىق كوپبەيىندى اۋرۋحانا، وبلىستىق بالالار اۋرۋحاناسى، «انا مەن بالا» ورتالىعىن، سونداي-اق، ورداباسى اۋدانىندا پەريناتالدىق ورتالىق سالىنباق.

[caption id="attachment_95739" align="aligncenter" width="800"] default[/caption]

اتالعان 570 توسەك ورىندىق كوپسالالى اۋرۋحاناسى بويىنشا قۇرىلىس جۇمىستارى 2020 جىلى باستالىپ، تۇركيالىق ينۆەستور «YDA Holding» ەسەبىنەن سوعىلۋدا. 2023 جىلدىڭ ءساۋىر ايىندا جوبالاۋ-سمەتالىق قۇجاتتاماعا وڭ قورىتىندى الىندى. قازىرگى ۋاقىتتا ق ر دەنساۋلىق ساقتاۋ مينيسترلىگىنە كوپسالالى اۋرۋحاناسىن سالۋ بويىنشا بيزنەس-جوسپار ۇسىنىلدى. بۇگىندە قۇرىلىس جۇمىستارىنىڭ 40% اياقتالدى. 2024 جىلدىڭ سوڭىندا قولدانىسقا بەرىلەدى دەپ جوسپارلانۋدا.

تۇركىستان وبلىسى بويىنشا 749 مەديسينالىق مەكەمە ەلگە مەديسينالىق قىزمەت كورسەتۋدە. قازىرگى تاڭدا بەيىندى ماماندارعا تاپشىلىق بايقالۋدا. وسى ماسەلەنى شەشۋ ءۇشىن بيىل وبلىس ەسەبىنەن بەيىندى مامانداردى وقىتۋعا، رەزيدەنتۋراعا 60 گرانتقا قارجى ءبولىندى. سونىمەن قاتار اۋىلعا كەلگەن جاس ماماندارعا الەۋمەتتىك كومەك رەتىندە 1،5 ملن. تگ. تولەنۋدە. بۇگىنگى تاڭدا اۋىلدى جەرگە بارعان 21 جاس مامانعا الەۋمەتتىك كومەك بەرىلگەن.