Túrkistan oblysynda 35 myńǵa jýyq PTR test jasalǵan
Biylǵy jyldyń qańtar aiynda 35 myńǵa jýyq PTR test boiynsha qyzmet kórsetilgen. Bul jóninde qordyń Túrkistan oblysy boiynsha filialynyń meditsinalyq qyzmet sapasyn monitoringileý bóliminiń basshysy Ǵalima Tórehanova málimdeidi.
Ótken jyly oblysta Ulttyq saraptama ortalyǵynda, oblystyq fiziopýlmonologiialyq ortalyǵynda, dermato-venerologiialyq dispanserinde, Túrkistan qalalyq emhanasynda PTR zertteý boiynsha zerthanalar ashylyp, jumys istegen.
– Búginde Ordabasy, Jetisai, Saryaǵash, Sozaq, Sairam,Tólebi, Jetisai aýdandyq aýrýhanalarynda PTR boiynsha zerthanalar bar. Alaida meditsinalyq uiymdarda PTR testke qatysty júrgizilip jatqan sharalar barysynda birqatar kemshilikter anyqtalǵan. Meditsina qyzmetkerleri aqparattyq júiege naýqastyń málimetin engizý barysynda birqatar olqylyqtarǵa jol bergen. Jalpy, anyqtalǵan kemshilikterge Qor filialy tarapynan 108 mln teńge aiyppul salyndy. Meditsinalyq uiymdardyń PTR testke qatysty kemshilikteri boiynsha Qor filialynyń sarapshylary taldaý jasap, tiisti eskertýlerdi jasady, – dedi qordyń bólim basshysy Ǵalima Tórehanova.
Túrkistan oblysynyń Óńirlik kommýnikatsiialar qyzmeti
