بيىلعى جىلدىڭ قاڭتار ايىندا 35 مىڭعا جۋىق پتر تەست بويىنشا قىزمەت كورسەتىلگەن. بۇل جونىندە قوردىڭ تۇركىستان وبلىسى بويىنشا فيليالىنىڭ مەديسينالىق قىزمەت ساپاسىن مونيتورينگىلەۋ ءبولىمىنىڭ باسشىسى عاليما تورەحانوۆا مالىمدەيدى.
وتكەن جىلى وبلىستا ۇلتتىق ساراپتاما ورتالىعىندا، وبلىستىق فيزيوپۋلمونولوگيالىق ورتالىعىندا، دەرماتو-ۆەنەرولوگيالىق ديسپانسەرىندە، تۇركىستان قالالىق ەمحاناسىندا پتر زەرتتەۋ بويىنشا زەرتحانالار اشىلىپ، جۇمىس ىستەگەن.
– بۇگىندە ورداباسى، جەتىساي، سارىاعاش، سوزاق، سايرام،تولەبي، جەتىساي اۋداندىق اۋرۋحانالارىندا پتر بويىنشا زەرتحانالار بار. الايدا مەديسينالىق ۇيىمداردا پتر تەستكە قاتىستى جۇرگىزىلىپ جاتقان شارالار بارىسىندا ءبىرقاتار كەمشىلىكتەر انىقتالعان. مەديسينا قىزمەتكەرلەرى اقپاراتتىق جۇيەگە ناۋقاستىڭ مالىمەتىن ەنگىزۋ بارىسىندا ءبىرقاتار ولقىلىقتارعا جول بەرگەن. جالپى، انىقتالعان كەمشىلىكتەرگە قور فيليالى تاراپىنان 108 ملن تەڭگە ايىپپۇل سالىندى. مەديسينالىق ۇيىمداردىڭ پتر تەستكە قاتىستى كەمشىلىكتەرى بويىنشا قور فيليالىنىڭ ساراپشىلارى تالداۋ جاساپ، ءتيىستى ەسكەرتۋلەردى جاسادى، – دەدى قوردىڭ ءبولىم باسشىسى عاليما تورەحانوۆا.
تۇركىستان وبلىسىنىڭ وڭىرلىك كوممۋنيكاسيالار قىزمەتى
