Túrkistan oblysynda balyq sharýashylyǵymen ainalysatyn kásipkerlerdiń sany jyl sanap artyp keledi. Búginde bul óńir jasandy kólderde balyq ósirý boiynsha kósh bastap tur. Túrkistan oblysynda jergilikti mańyzy bar 104 sý aidyny bar. Onyń ishinde 82-si jergilikti mańyzdy sý aidyny balyq sharýashylyǵy maqsatynda tabiǵat paidalanýshylarǵa bekitilip berilgen. Taýarly balyq ósirýmen 231 kásipkerlik sýbektisi ainalysady, – dep habarlaidy Dalanews.kz Túrkistan oblysy ákiminiń baspasóz qyzmetine silteme jasap.
Oblys ákimi Nuralhan Kósherovtiń tapsyrmasyna sáikes, oblysta balyq sharýashylyǵyn damytý maqsatynda arnaiy jumysshy top quryldy. Osy rette jumysshy top ókilderi Otyrar, Ordabasy, Sozaq, Báidibek, Sairam, Túlkibas aýdandaryna arnaiy baryp, balyq sharýashylyǵymen ainalysatyn jáne ainalysýǵa nietti kásipkerlermen kezdesti. Kezdesýde kásipkerler men sharýalarǵa memleket tarapynan bólinetin sýbsidiialar men jeńildikter boiynsha túsindirý jumystary júrgizildi.
Túrkistan oblysynda balyq sharýashylyǵyn damytý salasynyń áleýeti joǵary. Akvaósirý boiynsha 2024 jylǵa jergilikti biýdjetten 500,0 mln teńge bólinip, 31 sharýashylyqqa sýbsidiia berilip, tolyǵymen igerildi. Biyl akvaósirý boiynsha 500,0 mln teńge, investitsiialyq salymdardy sýbsidiialaýǵa 120,5 mln teńge qarastyrylyp, tiisti jumystar atqarylýda.
Aita keteiik, kezdesýge oblystyq tabiǵi resýrstar jáne tabiǵat paidalanýdy retteý basqarmasy, jer qatynastary basqarmasy, jer resýrstaryn basqarý departamentiniń mamandary, «Aral-Syrdariia» oblysaralyq basseindik balyq sharýashylyǵy inspektsiiasy, oblystyq «Atameken» kásipkerler palatasynyń aýdandyq filial direktorlary, «Túrkistan» kásipkerlerge qyzmet kórsetý ortalyǵynyń aýdandyq filial direktorlary jáne «Shardara balyq mektebi» JShS menedjerleri qatysty.
