Túrkistan oblysynda 22 myńnan astam adamǵa papılloma vırýsyna qarsy ekpe egildi. Bul týraly ótken baspasóz jıynynda Túrkistan oblysynyń sanıtarıalyq-epıdemıologıalyq baqylaý departamenti basshysynyń orynbasary Aqerke Erkinbekova málimdedi, dep habarlaıdy Dalanews.kz
QR Úkimetiniń qaýlysyna sáıkes, profılaktıkalyq ekpeler júrgiziletin ınfeksıalyq aýrýlar tizimine 11 jastaǵy qyz balalardy papılloma vırýsyna qarsy vaksınasıalaý engizildi.
«2025 jyldyń 7 sáýirdegi jaǵdaı boıynsha 22 555 (97,9%) adam ekpeniń birinshi dozasyn aldy. Ekinshi dozasyn 1 513 adam alyp úlgerdi. Vaksınasıadan keıingi asqyný jaǵdaılary tirkelmegen. Barlyq ekpe jumystary azamatshalardyń ata-anasynyń ruqsatymen júzege asyryldy. Sondaı-aq oblys aýmaǵynda APV-ǵa qarsy egýden túrli sebepter boıynsha 299 qyzdyń ata-anasy bas tartqan», - dedi spıker.
Sonymen qatar brıfıń barysynda Túrkistan oblystyq densaýlyq saqtaý basqarmasynyń APV-ǵa qarsy ımmýnızasıa boıynsha jaýapty mamany Zamıra Ótegenova ekpeniń paıdaly tustaryn atap ótti.
«APV-ǵa qarsy ekpe - jatyr moıny obyrynyń aldyn alady. Ózderińizge belgili, 2024 jyldyń qyrkúıek aıynan bastap 11 jastaǵy qyzdarǵa adam papıllomasy vırýsyna qarsy jappaı ekpe salý jumystary bastaldy. Qazirgi tańǵa deıin ekpe egilgen azamatshalar arasynda eshbir qyzǵa vaksına teris áser kórsetken joq», - dedi sala mamany.
