«2025 جىلدىڭ 7 ساۋىردەگى جاعداي بويىنشا 22 555 (97،9%) ادام ەكپەنىڭ ءبىرىنشى دوزاسىن الدى. ەكىنشى دوزاسىن 1 513 ادام الىپ ۇلگەردى. ۆاكسيناسيادان كەيىنگى اسقىنۋ جاعدايلارى تىركەلمەگەن. بارلىق ەكپە جۇمىستارى ازاماتشالاردىڭ اتا-اناسىنىڭ رۇقساتىمەن جۇزەگە اسىرىلدى. سونداي-اق وبلىس اۋماعىندا اپۆ-عا قارسى ەگۋدەن ءتۇرلى سەبەپتەر بويىنشا 299 قىزدىڭ اتا-اناسى باس تارتقان»، - دەدى سپيكەر.

«اپۆ-عا قارسى ەكپە - جاتىر موينى وبىرىنىڭ الدىن الادى. وزدەرىڭىزگە بەلگىلى، 2024 جىلدىڭ قىركۇيەك ايىنان باستاپ 11 جاستاعى قىزدارعا ادام پاپيللوماسى ۆيرۋسىنا قارسى جاپپاي ەكپە سالۋ جۇمىستارى باستالدى. قازىرگى تاڭعا دەيىن ەكپە ەگىلگەن ازاماتشالار اراسىندا ەشبىر قىزعا ۆاكسينا تەرىس اسەر كورسەتكەن جوق»، - دەدى سالا مامانى.