Túrkistan oblysynda 20 936 adam ekpe qabyldady. Onyń  13 887 – medısına qyzmetkerleri, 5407 – pedagog. 600-ge jýyǵy quqyq qorǵaý organdary men 500-ge jýyǵy ártúrli toptaǵy azamattar, – dep habarlaıdy Dalanews.kz Túrkistan oblysy ákiminiń baspasóz qyzmetine silteme jasap.

Epıdemıologıalyq  ahýaldy eskere otyryp, sáýir aıynda ekpe saldyrýǵa nıet bildirgenderdiń sany artqan. Qazir ekpe qabyldaǵandar dárigerlerdiń baqylaýynda.

Oblysta ekinshi  komponentpen 10 myńǵa jýyq  vaksına aldy. Eske sala ótsek, ekpe salý túrli sanat boıynsha kezegimen júrgizilýde. Infeksıaǵa qarsy vaksınasıalaý jumystary qaladaǵy 65 emdeý mekemesinde júrgizilýde.

Búgingi tańda vaksına saldyrý – koronavırýs aýrýynyń taralýyn boldyrmaýdyń birden- bir joly bolyp otyr. Vaksına tegin jáne erikti túrde salynady.

Sońǵy táýlikte  Túrkistan oblysynda 13 adamda COVID-19 indeti anyqtaldy. Táýliktik ósim 0,28 % quraıdy. Jalpy oblysta pandemıa beleń alaǵaly 600 myńǵa jýyq PTR- synamalary alynǵan. Sońǵy táýlikte  zerthanalarda 3 myńdaı adam tekserilgen. Juqpaly aýrýlar aýrýhanasynda barlyǵy 610 oryn bar. Jalpy, pandemıa bastalǵaly ınfeksıasy rastalǵan 4598 jaǵdaı tirkeldi. Olardyń 2933-da aýrý sımptomsyz ótken bolatyn. Aıta keteıik, Túrkistan obylysy jasyl aımaqta. Búgingi kúni álemniń 221 elinde 130 mln-nan astam KVI jaǵdaıy tirkelip otyr.