Túrkistan oblysynda 20 myńnan asa oqýshy test tapsyrady
QR Bilim jáne ǵylym ministrliginiń «2021 jylǵy 1 naýryz ben 30 maýsym aralyǵynda ótkiziletin Ulttyq biryńǵai testileýdi uiymdastyrý týraly» 2021 jylǵy 26 aqpandaǵy №82 buiryǵyna sáikes oblysta 5 aýdan, qala ortalyǵynda jáne Shymkent qalasynda ornalasqan «USTUDY» testileý ortalyqtarynda UBT kompiýterlik formatta ótkizilýde. Atap aitsaq, Túrkistan qalasynda (Túrkistan, Otyrar, Kentaý), Jetisai aýdanynda (Jetisai, Maqtaaral, Shardara), Saryaǵash aýdanynda (Saryaǵash, Keles, Qazyǵurt), Ordabasy aýdanynda (Ordabasy, Arys, Báidibek), Sozaq aýdanynda (Sozaq) , Shymkent qalasynda (Arys, Qazyǵurt, Túlkibas, Tólebi, Sairam) ornalasqan testileý ortalyqtarynda 25 aýditoriiada 620 oryn daiyndalǵan.
Oqýshy UBT tapsyratyn aýdan, qalany óz qalaýy boiynsha tańdaidy. Testileý «bir testilenýshi – bir kompiýter – bir kamera» printsipi boiynsha kompiýterlermen jabdyqtalǵan ortalyqtarda ótkiziledi.
Testileý ortalyqtarynyń barlyǵynda meditsinalyq pýnktter jumys isteidi, uialy bailanys tunshyqtyrǵyshtary ornatylǵan, ǵimarattar antiterroristtik qorǵanysqa tekserilgen.
2021 jylǵy UBT ótkizý barysynda sanitarlyq-epidemiologiialyq normalardyń barlyq talaptary saqtaý qamtamasyz etilgen. Testilenýshilerdi kirgizý jáne otyrǵyzý kezinde 2 metr araqashyqtyq saqtalatyn bolady.
Barlyq testileý pýnktteri teplovizorlarmen, medpýnkttermen, zararsyzdandyrý tonnelderimen, sanitaizerlermen, dezinfektsiialaýshy kilemshelermen, betperdelermen, qolǵaptarmen qamtamasyz etilgen.
UBT ótkizý qaǵidalarynyń saqtalýyn baqylaýdy júzege asyrý úshin UBTÓP-ke QR BǴM qyzmetkerleri qatarynan jáne «Adaldyq alańy» jobalyq keńsesi ókilderi men arnaiy monitoringtik top músheleri qatarynan baqylaýshylar jiberiledi.
Aita keteiik, 2019-2020 oqý jylynda 11-synypty 24658 oqýshy bitirdi. Oblys boiynsha orta bilim berý uiymdarynyń bitirýshilerinen testileýge 18394-i (qazaq tilinde – 17070, orys tilinde – 1320, aǵylshyn tilinde - 4) ótinish berdi, iaǵni ol 74,6% (2019 jyly - 68,8% ) quraidy. UBT-ny 17701 oqýshy tapsyrdy.
