ق ر ءبىلىم جانە عىلىم مينيسترلىگىنىڭ «2021 جىلعى 1 ناۋرىز بەن 30 ماۋسىم ارالىعىندا وتكىزىلەتىن ۇلتتىق ءبىرىڭعاي تەستىلەۋدى ۇيىمداستىرۋ تۋرالى» 2021 جىلعى 26 اقپانداعى №82 بۇيرىعىنا سايكەس وبلىستا 5 اۋدان، قالا ورتالىعىندا جانە شىمكەنت قالاسىندا ورنالاسقان «USTUDY» تەستىلەۋ ورتالىقتارىندا ۇبت كومپيۋتەرلىك فورماتتا وتكىزىلۋدە. اتاپ ايتساق، تۇركىستان قالاسىندا (تۇركىستان، وتىرار، كەنتاۋ)، جەتىساي اۋدانىندا (جەتىساي، ماقتاارال، شاردارا)، سارىاعاش اۋدانىندا (سارىاعاش، كەلەس، قازىعۇرت)، ورداباسى اۋدانىندا (ورداباسى، ارىس، بايدىبەك)، سوزاق اۋدانىندا (سوزاق) ، شىمكەنت قالاسىندا (ارىس، قازىعۇرت، تۇلكىباس، تولەبي، سايرام) ورنالاسقان تەستىلەۋ ورتالىقتارىندا 25 اۋديتوريادا 620 ورىن دايىندالعان.
وقۋشى ۇبت تاپسىراتىن اۋدان، قالانى ءوز قالاۋى بويىنشا تاڭدايدى. تەستىلەۋ «ءبىر تەستىلەنۋشى – ءبىر كومپيۋتەر – ءبىر كامەرا» ءپرينسيپى بويىنشا كومپيۋتەرلەرمەن جابدىقتالعان ورتالىقتاردا وتكىزىلەدى.
تەستىلەۋ ورتالىقتارىنىڭ بارلىعىندا مەديسينالىق پۋنكتتەر جۇمىس ىستەيدى، ۇيالى بايلانىس تۇنشىقتىرعىشتارى ورناتىلعان، عيماراتتار انتيتەرروريستتىك قورعانىسقا تەكسەرىلگەن.
2021 جىلعى ۇبت وتكىزۋ بارىسىندا سانيتارلىق-ەپيدەميولوگيالىق نورمالاردىڭ بارلىق تالاپتارى ساقتاۋ قامتاماسىز ەتىلگەن. تەستىلەنۋشىلەردى كىرگىزۋ جانە وتىرعىزۋ كەزىندە 2 مەتر اراقاشىقتىق ساقتالاتىن بولادى.
بارلىق تەستىلەۋ پۋنكتتەرى تەپلوۆيزورلارمەن، مەدپۋنكتتەرمەن، زارارسىزداندىرۋ توننەلدەرىمەن، سانيتايزەرلەرمەن، دەزينفەكسيالاۋشى كىلەمشەلەرمەن، بەتپەردەلەرمەن، قولعاپتارمەن قامتاماسىز ەتىلگەن.
ۇبت وتكىزۋ قاعيدالارىنىڭ ساقتالۋىن باقىلاۋدى جۇزەگە اسىرۋ ءۇشىن ۇبتوپ-كە ق ر بعم قىزمەتكەرلەرى قاتارىنان جانە «ادالدىق الاڭى» جوبالىق كەڭسەسى وكىلدەرى مەن ارنايى مونيتورينگتىك توپ مۇشەلەرى قاتارىنان باقىلاۋشىلار جىبەرىلەدى.
ايتا كەتەيىك، 2019-2020 وقۋ جىلىندا 11-سىنىپتى 24658 وقۋشى ءبىتىردى. وبلىس بويىنشا ورتا ءبىلىم بەرۋ ۇيىمدارىنىڭ بىتىرۋشىلەرىنەن تەستىلەۋگە 18394ء-ى (قازاق تىلىندە – 17070، ورىس تىلىندە – 1320، اعىلشىن تىلىندە - 4) ءوتىنىش بەردى، ياعني ول 74،6% (2019 جىلى - 68،8% ) قۇرايدى. ۇبت-نى 17701 وقۋشى تاپسىردى.
