Túrkistan oblysynda 138 myńnan astam shaǵyn jáne orta biznes jumys isteidi
Túrkistan oblysy ákiminiń orynbasary Meiirjan Myrzaliev bastaǵan jumys toby Maqtaaral, Jetisai jáne Shardara aýdandarynyń turǵyndarymen kezdesti.
Óz kezeginde Meiirjan Myrzaliev kásipkerlik salasy, investitsiia tartý, eksportty qoldaý jáne t.b. salalar aiasynda atqarylyp jatqan jumystarmen bólisti. Meiirjan Myrzalievtiń aitýynsha, Túrkistan oblysy boiynsha jalpy 138 myńnan astam shaǵyn jáne orta kásiporyndar jumys isteidi.
– Prezidenttiń Joldaýynda kórsetilgen mindetterge sáikes, shaǵyn biznesti 3 jyldyq merzimge salyqtan bosatý tetikteri ázirlenedi. Sonymen qatar, oblysta «qarapaiym zattar ekonomikasy» baǵdarlamasy belsendi túrde júzege asyrylýda jáne Túrkistan oblysy nátijeler boiynsha kósh bastap tur, – dedi oblys ákiminiń orynbasary.
Sondai-aq, jiynǵa qatysýshylar aýdandarda atqarylǵan jumystarǵa toqtalyp, Elbasy Joldaýyndaǵy mindetterdiń oryndalý barysyn talqylady.
Aita ketý kerek, oblysta kásipkerlikti damytýdyń jańa arhitektýrasy ázirlengen bolatyn. Nátijesinde mamandar toby qurylyp, onyń quramyna Investitsiialar jáne eksport basqarmasy, «Turkistan Invest» front ofisi, Kásipkerlerge qyzmet kórsetý ortalyǵy jáne «Agrarlyq nesie korporatsiiasy» AQ oblystyq filialy, «Ońtústik» AIO jáne «Yrys» MQU kirdi. Atalǵan uiymdar jumysyn oblys ákiminiń orynbasary Meiirjan Myrzaliev qadaǵalaýda.
Osy oraida, turǵyndarmen ashyq dialog ornatý maqsatynda búkil komanda joǵaryda atalǵan aýdandar kásipkerlerimen kezdesý ótkizdi, onda biznestiń eń ózekti máseleleri kóterildi.
Sonymen qatar, jumys toby birqatar kásipkerlik nysandarynda boldy, olar osy kásiporyndardyń ári qarai damýyna kedergi keltiretin máselelerdi anyqtap, olardy sheshý joldaryn talqylady.
Sapardyń sońǵy nysany Shardara aýdany, Alataý batyr aýylynda ornalasqan «International Company of Cotton» JShS maqta óńdeý zaýytynyń investitsiialyq jobasy boldy. Investitsiialyq jobanyń somasy 5,5 mlrd. teńgeni quraidy. Maqta óńdeý zaýyty osy jyldyń qazan aiynda iske qosylady, dep kútilýde. Bir jyl ishinde zaýyt maqta talshyǵyna 144 000 tonna maqta óńdeidi. 47 000 tonna maqta talshyǵy ónimderi Qytaiǵa, Singapýr Respýblikasyna jáne Ózbekstanǵa eksporttalady. 200 jumys ornyn qurý josparlanýda.
Túrkistan oblysy ákiminiń baspasóz qyzmeti
Taǵy oqyńyz:
https://dalanews.kz/46513
